मुगु, सिरहा र भक्तपुरमा भएको सवारी दुर्घटनामा ४ जनाको मृत्यु

Posted on: October 25, 2016 | views: 388

काठमाडौं ।
मुगु जिल्लाको खमाले–६ बराचौर भन्ने स्थानमा सुर्खेतबाट चामल लिई गएको भे १ त ६३१० नम्बरको ट्याक्टर सोमबार सडक देखी अंदाजी १२ मिटर तल खसेर दुर्घटना हुँदा ट्याक्टरको सहचालक सुर्खेत तरङगा–८ पोखरीकाडा बस्ने १६ बर्षीय ललित सारु मगर र मुगु गम्था–५ बस्ने ४० बर्षीय धन बहादुर डागरको घटनास्थलमै मृत्यु भएको छ । फरार चालकको प्रहरीले खोजतलास गरिरहेको छ ।

भक्तपुर

मध्यपुर ठिमी नगरपालिका–१३ अरनिको राजमार्ग स्थित मध्यपुर अस्पताल अगाडी आकाशे पुल मुनी नम्वर नुखलेको सवारी साधनले गएराति नाम,थर बतन नखुलेको अंदाजी ५५ वर्षीय पुरुष व्यक्तिलाई ठक्कर दिदा गम्भीरु घाइते भइकोले मध्यपुर अस्पताल ठिमी लगिएकोमा उपचारको क्रममा मृत्यु भएको छ ।

फरार सवारी साधन र चालकको प्रहरीले खोजतलास गरिरहेको छ ।

सिराहा ः

डुंमरि–३ स्थित घुर्मि खोलाबाट बालुवा लोड गरी कल्याणपुरतर्फ फर्किदै गरेको स१ त ४४६१ नम्बरको ट्याकटरबाट सोमबार ट्याक्टरमा मजदुरको काम गर्ने कल्याणपुर–५ कोरनाई बस्ने १९ बर्षीय धर्मेन्द्र लडदा पछाडीको चक्काले किच्दा गम्भीर घाइते भएकोले मिर्चैया स्थित विष्णु क्लिनिक पठाइएकोमा उपचारको क्रममा मंगलबार विहान मृत्यु भएको छ ।

फरार चालकको प्रहरीले खोजतलास गरिरहेको छ