चितुवाले ज्यान गुमाएका परिवारलाई ५ लाख राहत

Posted on: October 24, 2016 | views: 217

८ कार्तिक, बैतडी ।
जिल्ला वन कार्यालय बैतडीले चितुवाको आक्रमणबाट गत भदौमा ज्यान गुमाएका बालिकाका परिवारलाई प्रतिव्यक्ति ५ लाख रुपैयाँका दरले नगद राहत वितरण गरेको छ ।

सुदूरपश्चिम क्षेत्रीय वन निर्देशनालय मार्फत प्राप्त राहत रकम पीडित परिवारलाई हस्तान्तरण गरिएको जिल्ला वन कार्यालय बैतडीका प्रमुख जिल्ला वन अधिकृत केदार बरालले जानकारी दिनुभयो ।

गत भदौ ४ गते चितुवाको आक्रमणबाट ज्यान गुमाएका उदयदेव गाविस वडा नं ९ का ७ बर्षीया चञ्चला चन्दका बुवा हिरा चन्द र गत भदौ १८ गते चितुवाको आक्रमणबाट ज्यान गुमाएका उदयदेव गाविस वडा नं २ का ४ बर्षीया अञ्जली चन्दका बुवा हिरा चन्दलाई ५/५ लाखका दरले नगदका साथै एक एक थान सोलार वितरण गरिएको वन अधिकृत बरालले बताउनुभयो ।