सिकेका सिपलाई व्यवहारमा उतारेमा नयाँ नेपाल र्निमाणमा सहयोग पुग्छ ः सभासद फुंयाल

Posted on: July 06, 2016 | views: 467

रबिन थपलिया-२२ असार, काठमाडौं ।
नेकपा एमालेका सभासद रामेश्वर फुंयालले आफुले सिकेको सिपलाई व्यवहारमा उतार्न सकेमा नयाँ नेपाल र्निमाणमा सहयोग पुग्ने बताउनु भएको छ ।

गोकर्णेश्वर नगरपालीकाको सहयोगमा माया शैक्षिक अभियान (maya education initiatives) द्धारा आज जोरपाटीमा आयोजना गरिएको ३ महिने निशुल्क व्युटीपार्लर तालीमको समापन गदै सभासद फुंयालले महिलाहरुलाई सिपमुलक तालीम दिएर आत्मर्निभर बनाउनको लागि आफुले सक्दो सहयोग गर्ने प्रतिबद्धता व्यक्त गर्नुभयो ।

कार्यक्रममा एकिकृत नेकपा माओवादी केन्द्रका केन्द्रीय सदस्य छिरीङ लामाले तालीमबाट सिकेका सिप र ज्ञानलाई व्यवहारमा परिणत गर्न सुझाब दिनुभयो । उहाँले व्युटीपार्लर तालीम लिएर महिलाहरु आत्मर्निभर बन्ने अपेक्षा गर्नुभयो। साथै उहाँले माया शैक्षिक अभियानले जोरपाटीमा गरिएको यो सवैभन्दा पहिलो र नौलो कार्यक्रम भएको समेत बताए ।

कार्यक्रममा नेपाली काँग्रेस गोकर्णेश्वर नगरपालीकाका प्रतिनिधि श्रीकृष्ण ज्योतीले व्युटीपार्लर तालीममा महिलाहरुले सिकेको सिपलाई व्यवहारमा उतारेमा  आत्मर्निभर बन्नको निम्ती सहयोग पुग्ने बताए ।

माया शैक्षिक अभियानका अध्यक्ष हिरा लामाको अध्यक्षतामा भएको कार्यक्रममा तोक्वान्दोका अन्तराष्ट्रिय खेलाडी महेश केसी, नेपाल विद्यार्थीसंघका नेता हरिशरण खतिवडा लगायतले आफनो मन्तव्य व्यक्त गरेका थिए ।

माया शैक्षिक अभियानद्धारा आयोजीत तिनमहिने निशुल्क व्युटीपार्लर तालीममा २५ जना महिलाहरुको सहभागीता रहेको थियो । कार्यक्रममा उपस्थीत संचारकर्मीहरुलाई संस्थाले प्रसंसापत्र प्रदान गरेको थियो ।