महिला हत्याको आरोपमा एकै परिवारका ६ जना विरुद्ध उजुरी

Posted on: June 06, 2016 | views: 509
जेठ २४, कञ्चनपुर । कञ्चनपुरको बेदकोट नगरपालिका–१ चम्फापुरकी २३ बर्षीया रामदुलारी रानाको हत्या गरेको भन्दै एकै परिवारका ६ जना बिरुद्धमा किटानी जाहेरी दिइएको छ । जेठ १८ देखि हराएकी रानाको जेष्ठ २२ गते शव चम्फापुर क्षेत्रको नाला छेउमा सडेको अवस्थामा फेला परेको थियो । मृतक रानाको श्रीमान विदेशमा रहेको र छिमेकी प्रकाश मल्ल वीच नाजायज प्रेम सम्बन्ध रहेको र १७ गते साँझ प्रकाश रानाको घरमा समेत गएर राना संगै बिहे गर्ने बताएको राना परिवारले जनाएको छ । यसै घटनाको आधारमा परिवारले किटानी जाहेरी दिएको बताएका छन । रानाको हत्यानै भएको र दोषीलाई कडा भन्दा कडा कारवाहीको माँग गर्दै महिला अधिकारकर्मीले माँग गर्दै प्रहरी कार्यालय अगाडि प्रर्दशन समेत गरेको छन् । किटानीको आधारमा प्रहरीले अनुसन्धानको लागि दुईजनालाई पक्राउ गरेपनि सार्बजनिक गर्न नमिल्ने जनाएको छ । दोषी देखिए कानुन बमोजिम कारवाही हुने जिल्ला प्रहरी कार्यालय कञ्चनपुरका प्रहरी नायब निरीक्षक केदार खनाले बताए ।