दोधारा चाँदनीमा बाघको आतंक

Posted on: June 06, 2016 | views: 736

पुष्पा बोहरा, २४ जेठ , कञ्चनपुर ।  कञ्चनपुरको दोधारा चाँदनी २ कमलशा टोलमा केहि दिन देखि बाघले आतंक मञ्चाउन थाले पछि स्थानियहरुमा संत्रास छाएको छ । रातिको समयमा आउने गरेको उक्त बाघको डरले स्थानियहरु घरबाहिर जान समेत डराउने गरेका छन । गए राति स्थानियको दुई वटा बाख्रा बाघले खाए पछि स्थानियहरुमा झन त्रास छाएको छ । स्थानिय किर्ते सिंह पुजारका २ बाख्रा बाघले खाएको स्थानिय खडक रावलले जानकारी दिनुभएको छ । करीब दुई हप्ता देखि उक्त बाघले गाउमा आतंक मञ्चाउदा समेत स्थानिय प्रसासन भने बेखबर रहको स्थानियहरुको गुनासो छ । हप्ता दिन बिति सक्दा पनि उक्त बाघलाई नियन्त्रणमा लिन नसक्नु दुखको कुरा भएको समेत उनिहरुको भनाई छ । रातिको समयमा घर बाहिर जान समेत डर हुने गरेको स्थानियहरुले बताएका छन । यस्तै स्थानियहरुले उक्त बाघलाई चाडै नै नियन्त्रणमा लिन सम्बन्धित निकायलाई आग्रह समेत गरेका छन ।