हत्याका फरार अभियुक्त ४४ बर्ष पछि पक्राउ

Posted on: June 06, 2016 | views: 435

२४ जेठ, जाजरकोट ।
जाजरकोटमा एक अभियुक्त ४४ बर्ष पछि पक्राउ परेका छन् ।

जिल्लाको भेरीमालिका नगरपालिका २, डिङ्गाका ८० बर्षीय टेकबहादुर थापा ४३ बर्ष पछि पक्राउ परेका छन् ।

जिल्ला अदालत जाजरकोटले ज्यान मार्ने उद्योग मुद्धाका फरार अभियुक्त थापालाई कारागार पठाएको छ ।

थापाले २०२९ सालमा पूर्व जिल्ला पञ्चायत सभापति तप्तबहादुर कार्कीलाई गोली हानेर घाईते बनाएका थिए ।

कार्कीको ज्यान मार्ने उद्योग मुद्धा सम्बन्धि जाहेरीले प्रतिबादी बनेका थापाले जिल्ला अदालतबाट सफाई पाएपनि पुनरावेदन अदालतले भने कसुर ठहर गर्दै १० बर्ष कैद सजायको फैसला गरेको थियो ।

थापा भने पुनारवेदन अदालतको फैसला विरुद्ध सार्वोच्चमा जाने मौका नपाएरै फरार अभियुक्त बनेका थिए ।

पुनरावेदनको फैसला तथा अपील गर्ने म्याद थाह नपाएर सर्वोच्चमा जान नसकेको उनले बताए ।