किस्तीकै भरमा दोधारा चाँदनीको कुतियाकबर

Posted on: June 06, 2016 | views: 793

पप्पु गुरुङ्, २४ जेठ / कञ्चनपुर । कञ्चनपुरको दोधारा चाँदनी नगरपालिकामा १० कुतियाकबरका बासिन्दाहरुले आफ्नै देश भित्र नदी तर्न पैसा तिर्नु पर्ने बाध्यता रहेको छ् । जोगबुडा नदीमा पुल नभएको कारण ओहरदोहर गर्न स्थानियहरुले पैसा तिर्न बाध्य भएका हुन् । नदी तर्न यहाँ डुङ्गा ( किस्ती ) को सहारा लिनु पर्छ । कुतियाकबरका स्थानियहरुले स्थानिय जगबुडा नदी ओहरदोहर गनै प्रति ब्यक्ती रु. ८ तिर्नु पर्ने हुन्छ् । “नदीमा पुल निमार्ण गरिदिन सबै संग आग्रह गर्‍यौं, कहि कतैबाट पहल हुनसकेन् ” स्थानियबासी टंकलाल जोशीले बताए । अहिले दोधारा चाँदनी गाबिसबाट रुपान्तरण भएर नगरपालिका बनिसक्यो । ३६ परिवारबाट अहिले आएर ४५ घरपरिवार भईसक्यो । उक्त क्षेत्रमा ९५ प्रतिशत दलित समुदायका मानिस बसोबास गर्दै आएका छन् । “सरकारले डुङ्गा संचालन गर्न ठेक्का दिन्छ् तर पुल निमार्ण गर्न कहिले वास्ता गरिदिएन्” स्थानिय जेशीेले भने । झण्डै चार दशक देखि आफुहरु नदीको वारी–पारी गर्दै आएको बताए । “डुङ्गा चढ्नुको बिकल्प छैन्” उनले थपे । बालबालिकालाई बिद्यालय पठाउन समेत गाहे हुने गरेको छ् । नदीमा डुङ्गा संचालन गर्न ठेक्का दिने निकायले झोलुङ्गे पुलको लागी पहल गर्नु पर्ने स्थानियहरुको माँग रहेको छ् । चालु आर्थिक वर्षमा दोधारा चाँदनीले रु. १ लाख ४८ हजारमा जगबुडा नदीमा डुङ्गा संचालनको लागी ठेक्का दिएको हो । “सबै जनाले दिनहु डुङ्गा चढ्न पैसा तिर्न सक्ने अवस्था छैन्” अर्का स्थानिय गग्न खत्रीले भने । यहाँका अधिकांश ब्यक्तीहरु भरतमा ज्याला मुजुरी गर्न बिकल्प छैन् । “झोलुङ्गे पुल भईदिएको भए, हामीहरुलाई बाच्न सहज हुने थियो” खत्रीको भनाई रहेको छ् । नदीमा डुङ्गा ओहरदोहर गर्न प्रतिब्यक्ती रु. ८, प्रति साईकलको रु. १६ र प्रति मोटरसाईकल रु. ४८ तिर्नु पर्छ ।