दोधारा चाँदनीको सुरक्षा मजबुद बनाउन छलफल

Posted on: June 04, 2016 | views: 504

पप्पु गुरुङ्, २२ जेठ, दोधारा चाँदनी / कञ्चनपुर । ईलाका प्रहरी कार्यायमा दोधारा चाँदनीको समग्र सुरक्षा ब्यवस्था मजबुद बनाउन छलफल भएको छ् । ईलाका प्रहरी कार्यालयको आयोजनामा आज एक कार्यक्रम संचालन गरि दोधारा चाँदनीको सुरक्षा ब्यवस्था तथा गरिएका सुरक्षा अवस्थाको बारे समिक्षा गरिएको प्रहरीले जनाएको छ् । दोधारा चाँदनीमा केही दिन अघि संचालनमा आएको मदिरा तथा डिजे ब्यवस्थापनको बारे छलफल समेत गरिएको थियो । दोधारा चाँदनीको सुरक्षा ब्यवस्थालाई कसरी मजबुत तथा चुस्त दुरुस्त बनाउने बिषयमा दोधारा चाँदनीका सबै राजनितिक दलका प्रतिनिधी, बजार ब्यस्थापन समिती, महलिा अधिकारकर्मी लगाएत सरोकारवारवाला बिच प्रतिबद्धता जाहेर गरेका थिए । दोधारा चाँदनीलाई कसरी सुरक्षा ब्यवस्था शान्तिमय बनाउन सकिन्छ भन्ने बिषयमा सबै सरोकारवालाले आ–आफ्नो धारणा ब्यक्त गरेका थिए । ईलाका प्रहरी कार्यालय दोधारा चाँदनीका प्रहरी निरिक्षक बिरेन्द्र विर विश्वकर्माको अध्यक्षतामा संचालित छलफल कार्यक्रममा नेपाली काग्रेंसका नगर अध्यक्ष डम्मर बहादुर चन्द, नेकपा (एमाले) नगरकमिटीका अध्यक्ष किशोर कुमार लिम्बु, साबिकको दोधारा गाबिसको कार्यालयका पुर्व अध्यक्ष बेल बहादुर राना, चाँदनी गाबिस बजार ब्यवस्थापन समितीका अध्यक्ष मृग बहादुर सिंह, नेपाल रेडक्रस सोसाईटी उपशाखा दोधाराका सभापति धन बहादुर शाही, नयाँ शक्ती नगरकमिटीका अध्यक्ष पदम बहादुर सिंह, नेकपा (माओबादी) का नगरकमिटीका अध्यक्ष भरत भट्ट, पत्रकार पप्पु गुरुङ्ग, नेकपा (एमाले) जिल्ला कमिटी सदस्य राजिब खड्का लगाएतको उपस्थिती रहेको थियो । उक्त अवसरमा दोधारा चाँदनीमा तात्तिदै आएको सुन्दरनगर प्रहरी निरिक्षक माथी हातपात तथा त्यसको साम्य बिषयमा छलफल केन्द्रित भएको नेकपा (एमाले) नगरकमिटि अध्यक्ष किशोर कुमार लिम्बुले जानकारी दिएका छन् ।