1. मुख्य पृष्ठ
2. देश

लाइसेन्सको कोटा प्रणाली हट्दै, सबैले सहजै फाराम पर्न पाउने

Posted on: January 13, 2021 | views: 101

---

विदुर । यातायात व्यवस्था विभागले सवारी चालक अनुमतिपत्र (लाइसेन्स)को परीक्षाका लागि लागू भएको कोटा प्रणाली हटाउने भएको छ । लाइसेन्सको अनलाइन आवेदन दिन पनि सस्ती हुने भएपछि यातायात व्यवस्था विभागले आगामी साताबाट दैनिक जति पनि संख्या सेवाग्राहीले आवेदन दिनसक्ने गरी प्रणाली व्यवस्थापन गर्न लागेको हो ।

अहिले हरेक दिन सम्बन्धित लाइसेन्स कार्यालयले आफ्नो क्षमता अनुसार निश्चित कोटा तोक्ने र त्यसै अनुसार मात्रै अनलाइन फारम भर्न मिल्ने व्यवस्था छ । यसले गर्दा दैनिक ४ देखि ५ हजारले मात्रै लाइसेन्सको आवेदन दिन सक्ने अवस्था रहेको छ । लाइसेन्सको परीक्षामा सहभागी हुन चाहाने हजारौंले दिनहुँ फारम भरेपनि अनलाइनबाट फाराम पर्दा पेशगर्न सास्ती भोगिरहेका छन् । 

  अनलाइन आवेदनको प्रणाली खुल्नासाथ एकैपटक हजारौं सेवाग्राही यातायात व्यवस्था विभागको साइटमा आउने गर्दा प्रणालीमै समस्या देखिन थालेको छ । 

अब भने लाइसेन्सको परीक्षा दिन चाहानेले जुनसुकै समयमा आवेदन भर्नसक्ने र आफ्नो फारम भरेर पेश गरेपछि आवेदकलाई यो दिनमा परीक्षामा हाजीर हुन भनेर प्रणाली मार्फत नै जानकारी दिने व्यवस्था गर्न लागिएको विभागका महानिर्देशक गोगनबहादुर हमालले जानकारी दिनुभएको छ ।  

---