मल नल्याउने शैलुङ र मुक्तिनाथ कारबाहीमा

Posted on: January 12, 2021 | views: 122

विदुर । नेपाल सरकारले समयमै रासायनिक मल ल्याउन नसक्ने शैलुङ इन्टरप्राइजेज र मुक्तिनाथ कृषि कम्पनीसँग मल खरिदको लागी गरेको सम्झौता रद्द गरेको छ ।


कृषि सामग्री कम्पनीसँग गएको भदौमा भएको सम्झौताअनुसार शैलुङ कम्पनीले मङ्सिरको १३ गतेसम्म २५ हजार मेट्रिक टन युरिया मल ल्याउनुपर्ने सम्झोता भएको थियो ।  सम्झौता अनुसार अहिलेसम्म पनि मल नल्याएपछि सम्झौता खारेजी गरिएको हो । 


यस्तै, मुक्तिनाथ कृषि कम्पनीले मङ्सिर १७ र १८ गते २० हजार मेट्रिक टन डीएपी र २५ हजार मेट्रिक टन युरिया ल्याउनुपर्ने सम्झौता भएपनि नल्याएपछि सम्झौता खारेज गरिएको हो । 


दुवै कम्पनीको धरौटी जफत गरेर कालोसूचीमा राख्नका लागि सार्वजनिक खरिद अनुगमनको कार्यालयलाई सिफारिस पठाइएको कृषि सामग्री कम्पनी लिमिटेडले जनाएको छ ।