डेढ महिनामै सम्पन्न भयो पुल

Posted on: May 09, 2020 | views: 1903

नुवाकोट । सूर्यगढी गाँउपालिका वडा नं. ४ र म ५ जोड्ने दाम्रो खोलमा ढेड महिनामै नयाँ झोलुङ्गे पुल निर्माण गरिएको छ । यसअघि रहेको पुल गएको माघमा क्षति पुगेपछि गाँउपालिकाको अध्यक्ष शन्तबहादुर घले र उपाध्यक्ष मुञ्जु बुढाथोकी सहित दुई वडाका वडाध्यक्षहरुको पहलमा विशेष योजना मार्फत बिनियोजित गरिएको सात लाख रुपैयाँ र ५० हजार रुपैयाँ बराबरको श्रमदान समेत गरेर चैत २ गतेबाट सुरु भएको झोलुङ्गे पुलको निर्माण जारी रहेको बन्दाबन्दीको समयमा पनि डेढ महिनाको टोटो अवधिमै कार्यसम्पन्न गरेर आज उद्घाटन गरिएको हो । 

नयाँ पुलको उद्घाटन गर्दै गाँउपालिकाको अध्यक्ष घलेले जनताको माग र आवश्यकताको लागी काममा गुणस्तर र छिटो काम गरेर लाभ पुराउनको लागी आफ्नो लक्ष्य अनुसा पुल निर्माण समितिलाई गरेको कामको प्रशंसा गर्नुभएको छ । उपाध्यक्ष मञ्जु बुढाथोकीले छोटो अवधिमा निर्माण र काममा भएको गुणस्तर तथा स्थानीबायसको श्रमदानले बनेको पुलबाट गाँउपालिकालाई हौसला मिलेको बताउनुभएको छ । सामाजिक दुरी कायम राखेर तथा कोराना रोगको सक्रमणबाट सुरक्षित रहने उपाय अवलम्वन गर्दै आयोजित पुल उद्घाटन कार्यक्रमा वडा नं. ४ का वडाध्यक्ष रामकुमार गिरी, वडा नं. ५ का वडाध्यक्ष भैरवबहादुर अधिकारी, दुवै वडाका वडासदस्यहरु, काँग्रेस ४ नं. वडा सभापति रामशरण राई, ५ नं. वडासभापति रामचन्द्र बोगटी लगायतको सहभाििगता रहेको थियो ।

 लकडाउनको समयमा निर्माण सामाग्रि खरिद र ओसारपासरमा करीब एक महिना काम गर्न समस्या हुदाँ पनि दुई महिना नपुग्दै पुल सम्पन्न हुनुमा स्थानीयबासीको श्रमदान र सहयोगको उपलब्धी रहेको ‘वडा नं. ४ र ५ जोड्ने दाम्रे खोला झोलुङ्गे पुल निर्माण समितिमा अध्यक्ष बासुदेव लम्सालले जानकारी दिनुभएको छ । 

उहाँको अनुसार मोटरसाइकमा सवार मानिस समेत तर्न सक्ने गरेर बनाइएको पुल निर्माणले चार हजार भन्दा बढी स्थानीयबासीले प्रत्यक्ष रुपमा लाभ लिन सक्ने देखिएको छ । पुल निर्माणले सूर्यगढी गाँउपालिका वडा नं. २ को फटपुर, वडा नंं ४ को अचाने, बेलडाँडा, हिरामुनीटार, वडा नं.५ को खारे र ढाडे तथा तादी गाँउपालिका वडा नंं. ६ काे स्याङ्ले र गौरीगाँउका बासिन्दालाई आउजाउ गर्न सहजता पुगेको छ ।