उपचार खर्च अभावमा माइली तामाङले ज्यान गुमाइन्

Posted on: May 09, 2020 | views: 2085

नुवाकोट  । दुप्चेश्वर गाँउपालिकाको वडा नं. २ ओढोरेको माइली तामाङको दुवै मिर्गौला खराबीको कारण मृत्यु भएको छ ।

दुवै मिर्गौलामा खराबी देखिएपछि चैत पहिलो साता उपचारको लागी भारत गएपनि त्यहाँ कोरोना  रोगको सक्रमणको कारण मिर्गौला फेर्नको लागी दाता खोजेर लैजान र रकम अभावले समयमै धरौटी रकम राख्न नसकेपछि घरर फर्कदै गर्दा आज बेलकोटगढी नगरपालिका वडा नं. ५ को कोप्पुटारमा आइपुगेपछि मृत्यु भएको  गाँउँपालिकाको अध्यक्ष योविन्द्रसिंह तामाङले जानकारी दिनुभएको छ । 


उनको दुवै मिर्गौलामा खराबी देखिएपछि गाँउपालिकाको तर्फबाट सहयोग उपलब्ध गराउन पहल भइरहेपनि भारतमा उपचाररत अस्पतालले नेपाल फर्कन भनेपछि उहाँकै पहलमा घरमा ल्याउन लागिएको समयमा बीचबाटेमा नै मृत्यु भएको हो । 

समयमै रोग पत्ता लाग्न नसकेको र आर्थिक अभावले ४८ वर्षका माइली तामाङले उपचार सेवा नपाएर मृत्यु भएको भन्दै गाँउपालिकाको अध्यक्ष योविन्द्रसिंह तामाङले दुःख व्यक्त गर्नुभएको छ । उनको शवको आजै अन्तिम दाहसँस्कार गरिएको परिवारले जनाएका छन् ।