विदेसबाट आउनेलाई नेपालले दुई साता क्वारेन्टाइनमा राख्ने

Posted on: March 08, 2020 | views: 2873

काठमाडौ ।  कोरोना प्रभावित राष्ट्रबाट आउने व्यक्तिले अनिवार्य रूपमा १४ दिन क्वारेन्टाइनमा बस्नुपर्ने भएको छ ।

शनिबार साँझ सिंहदरबारमा बसेको मुख्यसचिव लोकदर्शन रेग्मी नेतृत्वको कोरोना नियन्त्रण समितिको बैठकले यस्तो निर्णय गरेको हो । बैठकले सात दिनभन्दा बढी समयको हेल्थ सर्टिफिकेटलाई मान्यता नदिने तर नेपाल प्रवेश गर्दा सात दिन भएकोलाई भने मान्यता दिने निर्णय गरेको छ ।

कोरोना भाइरसको संक्रमण हुन नदिन उच्च सकतर्कता अपनाउँदै तराईका ६ नाका र अन्य ३१ नाकामा स्वास्थ्य जाँच कडाई गर्ने, अध्यागमनमा थप कडाई गर्ने र जोकसैलाई पनि सहज रूपमा प्रवेश गर्न नदिने निर्णय गरेको स्वास्थ्य तथा जनसंख्या सचिव यादव कोइरालाले जानकारी दिए । उनले जोखिमयुक्त क्षेत्रमा काम गर्ने स्वास्थ्यकर्मीलाई प्रोत्साहन गर्न पनि सरकार तयार रहेको बताए ।