कोरोनाबाट प्रभावितलाई राख्न चार स्थान प्रस्ताव

Posted on: February 07, 2020 | views: 251

विदुर । नेपाल सरकारले चीनबाट आउन चाहने विद्यार्थी र नागरिकका लागि शिवपुरी, चांगुनारायण, सूर्यविनायक र खरिपाटीमा गरी चार स्थानमा स्बास्थ्य परिक्षण स्थल व्यवस्थित गर्ने भएको छ ।

प्रधानमन्त्री केपी शर्मा ओलीले बिहीबार सम्बद्ध मन्त्रालयका मन्त्री र उच्च सरकारी अधिकारीहरुको बैठक राखी ती चार स्थानमा व्यवस्था मिलाउन निर्देशन दिनुभएको हो । बैठकमा प्रधानमन्त्रीले चीनबाट आउन चाहनेलाई ल्याउन चार स्थानमा राख्न निर्देशन दिएको प्रधानमन्त्रीका प्रेस सल्लाहकार सूर्य थापाले जानकारी दिनुभयो । 

चीनमा कोरोना भाइरसको संक्रमण फैलिएपछि १८० नेपाली विद्यार्थीले स्वदेश फर्किन चीनस्थित नेपाली दूतावासमा निवेदन दिइसकेका छन् । उनीहरुले आफ्नो उद्दार नगरेको भन्दै सरकारको आलोचना गरिरहेका छन् । तर, सरकारले भने स्वदेश फर्काएपछि राख्ने ठाउँ तयार नभइसकेको भन्दै ढिलाइ गर्दै आएको थियो । नोवल कोरोना भाइरसको संक्रमणको खतरालाई मध्यनजर गरी नागरिकको स्वास्थ्य र सुरक्षाका निम्ति समग्र तयारीमा जुट्न सम्वद्ध मन्त्रालय र निकायहरूलाई प्रधानमन्त्रीले निर्देशन दिनुभयो ।