ओख्रेनीमा ल्होछार विशेष कार्यक्रम

Posted on: February 06, 2020 | views: 776

देउराली । तामाङ समुदाय अन्तरगतको बौद्धमार्गीहरुको महान पर्व सोनाम ल्होछारको अबसरमा म्यागङ गाउपालिकाको वडा नं. ३ ओख्रेनीमा रहेको ‘न्यु बेङरुङ युवा क्लव’को आयोजनामा ल्होछार विशेष कार्यक्रमको आयोजना गरेर बृहत्त सास्कृतिक कार्यक्रम सहति शुभकामना आदान–प्रदान गरिएको छ । 

कार्यक्रमका गाउपालिका अध्यक्ष आशा तामाङले ल्होछार पर्वलो तामाङ समुलायलाई एकै मालामा गास्नलाई सहयोग पुराउनुको साथै अन्य धर्म र जातीयलाई पनि एक आपसमा एकताबद्ध बनाउन योगदान पुराएको बताउनुभयो ।

यस्तै, गाउँपालिकाको उपाध्यक्ष शान्ती लामा गुरुङले ल्होछार पर्व विशेष पर्वको रुपमा एक दिन माघ शुक्ल प्रतिपदाको दिन माघ ११ गते मात्र नभई यसलाई नयाँ वषको स्वागतको रुपमा महिनाभर नै मनाएर हर्ष र उल्लासको साथ एक आपसमा रमाएर स्वागत गर्नुपर्ने भएकाले यो माघ महिना तामाङ समुदायको लागी नयाँ वर्षको महिना भएको बताउनुभयो ।

कार्यक्रममा क्लबका अध्यक्ष आइसिङ तामाङ, उपाध्यक्ष अर्जुन तामाङ लगायतले तामाङ समुदायको भाषा, धर्म, सस्कृति तथा परम्पराको संरक्षणको लागी ल्होछार पर्वलाई सास्कृतिक कार्यक्रम सहित विशेष रुपमा मनाएर निरन्तरता दिएको बताएका छन् ।  

 कार्यक्रममा तामाङ परम्परा तथा भेषभूषामा सजिएका बासिन्दाले मेन्दोमाया, साइकोले, मानेदोरा लगायत तामाङ सस्कृति झल्कने प्रस्तुती देखाएका थिए ।