स्वतन्त्र नागरिक हुन पाटीबाट अलग भएको घोषणा

Posted on: January 25, 2020 | views: 205

विदुर । शिवपुरी गाउँपालिका वडा नं. ४ सिक्रेका विष्णु खड्काले राजनीतिक यात्राबाट विश्राम लिदै स्वतन्त्र नागरिकको रुपमा समाजमा सेवा पुराउने घोषणा गर्नुभएको छ । लामो समयदेखि बामपन्थी राजनीतकि अभियानमा लाग्नुभएका खड्काले यसअघि आफू आबद्ध रहेका पाटी नेकपा विप्लव समूहबाट अलग भएर स्वतन्त्र नागरिक भएर सामाजिक अभियन्ताको रुपमा सेवा पुराउने बताउनुभएको छ । 

यसअघि नेकपा विप्लव समूहको जिल्ला कमिटी सदस्य एंव शिवपुरी गाउँपालिका इञ्चार्ज लगायतको पदीय जिम्मेवारीमा रहेर राजनीतिक अभियान चलाउदै आउनुभएका उहाँले स्वास्थ्यको कारण सक्रिय राजनीतिक यात्रामा निरन्तरता दिन नसकेको र पाटी विशेषको रुपमा पदीय जिम्मेवारीमा भन्दा स्वतन्त्र भएर समाज परिवर्तन तथा विकास निर्माणमा लगायतका गतिविधिमा आफ्नो योगदानलाई कायमै राख्ने बताउनुभएको छ ।

शिक्षक पेशाबाट अवकाश प्राप्त रहनुभएका उहाँ अहिले पनि स्याउरेभूमिा माविको व्यवस्थापन समितिको अध्यक्ष पदमा रहेको र समिति पुर्नःगठनको समय समेत भएकाले त्यसतर्फ क्रियाशिल हुने लगायतका योजनाको साथ गएको पुस १६ गते नै नेकपा विप्लव समूहमा रहेको जिम्मेवारीबाट अलग भएर नागरिक समाजको रुपमा आगामी यात्रा अघि बढाउने बताउनुभएको छ ।