मौसममा सुधार हुने

Posted on: January 18, 2020 | views: 386

विदुर । देशका विभिन्न स्थानमा पानी पर्नुका साथै मध्य र पश्चिमको उच्च हिमाली तथा पहाडी भेगमा हिमपात अहिलेपनि भइरहेको छ । पश्चिमी वायुको प्रभाव नुवाकोट, रसुवा, धादिङ, काठमाडौसहित देशका विभिन्न ठाउँमा बिहीबार बिहानदेखि सुरु भएको माघे झरी शुक्रबारदिनभर कायम रहेको थियो । अहिले पानी रोकिएपनि बादलले ढोकेको धुम्म आकाशको कारण मौसम भने अझै प्रभावित रहेको मौसमविद् प्रतिभा मानन्धरले जानकारी दिनुभएको छ ।

उहाँको अनुसार पश्चिमबाट नेपाल प्रवेश गरेको बायु प्रणाली मध्य क्षेत्रसम्म फैलिएर बर्षा र हिमपात भइरहेको हो ।

बिहीबारदेखि सुरु भएको लगातार झरी शनिबार पनि कायम रहने पूर्वअनुमान गरिएको छ । शनिबार अपरान्हसम्म नै मौसम प्रतिकुल रहने र साँझदेखि मात्र सुधार हुँदैजाने मौसम माहाशाखाको पूर्वअनुमान रहेको छ । बिहीबारदेखि सुरु भएको झरीको कारण रसुवा, नुवाकोट लगायतको पहाडी जिल्लाको उच्च भूभागमा हिमपात भएको छ भने तल्लो क्षेत्रमा बर्षाले जनजीवन प्रभावित बनाएको छ । चिसोको महशुस निकै बढेको छ ।