रसुवागढी नाका ठप्प

Posted on: January 18, 2020 | views: 252

विदुर । हिमपातका कारण चीनसँगको एक मात्र व्यापारिक नाका रसुवागढी हुँदै आएको आयात निर्यात रोकिएको छ । बिहीबारदेखि निरन्तर भएको हिमपात भएका कारण यातायात सञ्चालन हुन नसक्दा आयात निर्यात रोकिएको हो । सामाग्री लोड गर्ने ठाउँमा हिउँ परेका कारण बिहीबार बिहानदेखि नेपालबाट केरुङ पुगेका कन्टेनरहरुमा सामान लोड हुन नसकेको केरुङमा रहेका नेपाली व्यवसायी पुरुषोत्तम पौडेलले बताउनुभएको छ । 

उहाँको अनुसार बिहीबार मध्यान्हदेखि हिमपात हुन थालेकाले रोकिएको यातायात सेवा सुचारु गर्न सक्ने अबस्था नहुदाँ सामान ल्याउन तथा लैजान ठप्प भएको छ । सडकमा दुई फिट भन्दा बढी हिमपात भईसकेकाले सवारीसाधन चल्न नसके पछि आयात निर्यात रोकिएको जानकारी आएको भन्सार कार्यालयले जनाएको छ । 

हिउँमा गाडी चिप्लिने भएका कारण रसुवागढी, ठोङ्सा, पाङसिङ लगायतका स्थानमा चिनियाँ पक्षले सवारी साधनन सञ्चालनमा नै रोक लगाएको जानकारी नेपाली पक्षलाई गराएको छ ।