रसुवाको सिडियो तेश्रो हुदाँ नुवाकोट २९ औँ स्थानमा

Posted on: November 02, 2019 | views: 4189

विदुर । रसुवाका प्रमुख जिल्ला अधिकारी सिडिओले कार्यसम्पादन लगायतको दक्षतामा ए प्लस ग्रेड ल्याउन सफल भएका छन् । ७७ जिल्लामध्ये पाँचवटा जिल्लाका सिडियोले ए प्लस ल्याएकोमा रसुवा जिल्लाका सिडियोको नं. तेश्रो स्थानमा रहदै उत्कृष्ट भएका छन् । माघदेखि असारसम्मको कार्यसम्पादन मूल्यांकन गरेर गृह मन्त्रालयले सिडिओहरूको प्राप्तांक, प्रतिशत र ग्रेडिङ गरेको थियो । 

जसमा रसुवाका तत्कालीन प्रजिअ कृष्ण पौडेल र हाल कार्यरत प्रजिअ अर्जुन भण्डारीले ए प्लस ल्याएका हुन् । रसुवाका प्रजिअले ९०. ६९ प्रतिशत अंक ल्याएका छन् । कार्यालयको नियमित काम बाहेक अन्य कामहरू गरिएको कारण उत्कृष्ट ५ मा पर्न सफल भएका हुन् ।

पछिल्लो समय जिल्ला प्रशासन कार्यालय रसुवाले नियमित काम बाहेक अन्य कामलाई समेत अघि बढाउँदै गएको छ । प्रशासनलाई सुधार गर्नुका साथै अन्य निकायसँग समन्वय बढाएको छ ।

रसुवा जिल्ला तेश्रो सहित उत्कृष्ट हुदाँ नुवाकोटका सिडियोको भूमिका भने सामान्य देखिएको छ । परीक्षाको अंकभार जोडिएको समयमा नुवाकोटका सिडियोहरु उद्धब थापा र अहिले कार्यरत द्रोण पोखरेलले सयुक्त रुपमा ८३.३३ प्रतिशत अंका ल्याएर २९ औ स्थानमा समेटिएका छन् । 

नुवाकोटका अहिलेका सिडियो यसअघि कार्यरत रहेको सर्लाही जिल्लाको अंकभार झन कमजोर रहेको छ । सर्लाहीमा पोखरेल र अहिलेको सिडियोको सयुक्त अंकभार ६२.७४ अंक ल्याएर ७७ जिल्ला मध्ये ७१ औँ स्थानमा परेका छन् । 

यसरी अंक र जिल्लाको तहगत नतिजाले  सिडिओहरूबीच काममा प्रतिस्पर्धाको भावना बढ्ने र दक्षता जाँच गर्न सहज हुने गृह मन्त्रालयले जनाएको छ ।

नयाँ पत्रिका दैनिकले तयार गरेको समाचार समाग्रिको विस्तृत विवरण यस्तो रहेको छ ।