नुवाकोटको भाल्चेमा १७ गतेदेखि १९ गतेसम्म निःशुल्क स्वास्थ्य शिविर आयोजना

Posted on: November 01, 2019 | views: 3662

विदुर । नुवाकोटको किस्पाङ गाउँपालिका  वडा नं. १ का भाल्चेमा निस्शुल्क स्वास्थ्य शिविर सञ्चालन गर्न लागिएको छ । 

स्थानीय क्षेत्रमा सक्रिय रहेको कग्यु मेन्लाम अदिंंसावादी युवा क्लव नुवाकोटको आयोजना र काठमाडौको कान्तिपुर अस्पतालको सहयोगमा शिविर सञ्चालन गर्न लागिएको हो । शिविर यही कार्तिक १७ देखि सुरु भएर १९ सम्म  चल्ने छ । प्रत्येक दिन बिहान ७ बजेदेखि साँझ ५ बजेसम्म बिरामीहरुको जाँच तथा परीक्षण गरिने आयोजक क्लबका सचिव सेने मोक्तान तामाङले जानकारी दिनुभएको छ ।

उहाँको अनुसार शिविरमा स्वास्थ्य जाँच, हाडजोर्नी, स्त्रीरोग, दात सम्बन्धि समस्या एंव सामान्य स्वास्थ्य  चिकित्सक सेवाहरु निःशुल्क रुपमा उपलब्ध गराइएको छ ।