गुण्डा नाइके बाघे स्वयम्भूबाट पक्राउ

Posted on: October 18, 2019 | views: 6550

काठमाडौ । गुण्डा नाइके 'बाघे' भनिने सुकबहादुर लामा पक्राउ परेका छन् ।

 लामालाई महानगरीय अपराध महाशाखाले स्वयम्भूबाट शुक्रबार पक्राउ गरेको महानगरीय अपराध महाशाखाका प्रमुख एसएसपी सहकुल थापाले बताएका छन् ।

एसएसपी थापाले भने, "गिट्टी बालुवा तथा रोडाहरू दिनुपर्ने परिमाणमा नदिएको भन्ने उजुरीका आधारमा उनलाई पक्राउ गरिएको हो ।"

बाघेसहित दुई दर्जनभन्दा बढी बालुवा डिपोका सञ्चालकलाई स्वयम्भू, महाराजगन्ज र बालाजुबाट महाशाखाको टोलीले पक्राउ गरेको छ । पक्राउ परेकाहरुलाई महाशाखा दिउँसो २ः३० बजे पत्रकार सम्मेलन गरेर सार्वजनिक गर्ने तयारीमा छ ।