रसुवागढी नाका अस्तव्यस्त, घण्टौँसम्म जाम

Posted on: September 27, 2019 | views: 4821

टिमुरे । रसुवागढी नाकामा सवारी व्यवस्थापन हुन नसक्दा सडक अस्तव्यस्तता बढेको छ । सडकमा दैनिक घण्टौँसम्म जाम हुन थालेको छ । स्याफ्रु–रसुवागढी सडक खण्डमा सवारी व्यवस्थापन गर्न नसक्दा समस्या सिर्जना भएको हो ।

चाडपर्वका लागि चाहिने सामग्रीको आयात बढेको, साँघुरो सडक र ट्राफिक व्यवस्थापनको काम गर्न नसकिएपछि नाका अस्तव्यस्त भएको हो । टिमुरेमा केही समयअघि प्रहरीले चालक कुटेको भिडियो सार्वजनिक भएपछि प्रहरीले व्यवस्थापनमा सक्रियता देखाएको छैन ।

पछिल्लो समय जिल्लामा सवारी जाँच हुन पनि छाडेको छ । जिल्लाभित्र तीनवटा सुरक्षा निकायका एक दर्जन जाँच चौकी भए पनि अहिले स्याफ्रुमा मात्रै चेकिङ हुने गरेको छ । दैनिक २ सयभन्दा बढी सवारी सञ्चालन हुने यो नाकामा अहिले सवारी सञ्चालन गर्न कठिन हुन थालेको छ ।