बिजय कट्टेल मृत्त भेट्टिए

Posted on: August 19, 2019 | views: 12123

विदुर । नुवाकोटको तादी गाउँपालिका–२ का बिजय शर्मा कट्टेल आज मृत्त अबस्थामा भेट्टिएका छन् । साउन ३० गतेदेखि हराइरहेका २२ वर्षका कट्टेललाई तादी–३ स्थित भोर्लेको धानखेतमा मृत्त भेट्टाएको प्रहरीले जनाएको छ ।

जिल्ला प्रहरी कार्यालयका प्रमुख अबिनारायण काफ्लेका अनुसार उनको अनुहार सहित शरिरको विभिन्न अङ्गमा चोट लागेको पाइएकाले ‘अपराध’ भएको हुनसक्ने अनुमान गरिएको छ । शव परीक्षणको लागी शिक्षण अस्पताल महाराजगञ्ज काठमाडौ पठाइएको छ ।

उनी स्थानीय रुटमा चल्ने मिनीबसमा सहचालकको रुपमा कार्यरत रहेको र ३० गतेदेखि सम्पर्क भन्दा बाहिर भएकाले सोही दिन नै ‘हत्या भएको’ हुनसक्ने परिवारले जनाएका छन् ।
शव सडेगलेको अबस्थामा रहेकाले घटनाको सम्बन्धमा शवको परीक्षण प्रतिवेदन र उसले प्रयोग गर्ने मोबाइल लगायतका माध्यमबाट अनुसन्धान गरिने प्रहरीले जनाएको छ ।