श्रीमान–श्रीमतिको झगडा छुट्टाउने महिलाको मृत्यु्

Posted on: August 13, 2019 | views: 9433

दाङसिंह । नुवाकोटको तारकेश्वर गाउँपालिका– १ दाङसिंहमा श्रीमान–श्रीमतिको झगडा छुट्टाउन सहजिकरण गर्ने महिलाको मंगलबार बिहान मृत्यु भएको छ । मृत्यु हुनेमा स्थानीय ५५ वर्षीयाँ लालमाया तामाङ रहेको जिल्ला प्रहरी कार्यालयले नुवाकोटले जनाएको छ ।


प्रहरी कार्यालयका प्रहरी निरीक्षक विष्णुहरी फुयाँलका अनुसार सोही स्थानका मेघबहादुर तामाङ र उनको श्रीमति चिनिमाया तामाङबीच सोमबार विवाद भएको थियो । विवाद पश्चात चिनिमाया बच्चा सहित छिमेकी
लालमायाको घरमा बाँसबस्न गएपछि उक्त घरमा नै श्रीमति फकाउन मेघबहादुर राती दश बजे पुगेका थिए ।


श्रीमान–श्रीमतिको झगडा समाधान गराएर घर फर्काउन सहजिकरण गर्ने क्रममा लालमाया आफ्नै घरको आगनमा लडेर बेहोस भएपछि उपचारको लागी आज जिल्ला अस्पताल त्रिशूलीमा पु¥याउदा चिकित्सकले मृत्यु भइसकेको बताएका हुन् । शव परीक्षणको लागी जिल्ला अस्पतालमा राखिएको छ ।