समयमा उपचार नपाउँदा नुवाकोटमा सुत्केरीकाे ज्यान गयाे

Posted on: July 25, 2019 | views: 8907

जिल्ला अस्पताल त्रिशूलीमा चिकित्सकको लापरबाहीको कारण सुत्केरी महिलाको मृत्यु भएको छ ।  

नुवाकोटको तारकेश्वर गाउँपालिका वडा नं. ५ स्थित गोमा वस्तीको सुत्केरी पश्चात अत्याधिक रक्तश्रावको कारण आज मृत्यु भएको हो । बुधबार (हिजो) अस्पताल भर्ना भएकी ३५ वर्षीया वस्तीले आज बिहान सामान्य अवस्थामा छोरा जन्माएकी परिवारले जनाएका छन् ।

बच्चा जन्माउदा खुला भएको उनको पाठेघर बन्द नभई अत्याधिक रक्तश्रावले जोखिममा परेपछि उपचारको लागी हेलिकोप्टर मार्फत काठमाडौको शिक्षण अस्पताल पु-याउदाँ मृत्यु भइसकेको उपचारमा संलग्न चिकित्सकले बताएका छन् । उनले जन्माएको छोराको स्वासप्रश्वास सन्तुलन नभएपछि त्यसलगत्तै चिकित्सकले बच्चालाई थप उपचारको लागी काठमाडौ पठाएको थियो समयमा उपचार नपाउँदा नुवाकोटमा सुत्केरीकाे ज्यान गयाे । बच्चा जन्माउदा खुलेको पाठेघर बन्द नभई त्रिशूली अस्पताल स्थित सुत्केरी कक्ष भित्रै अत्याधिक रक्तश्राव र अर्धचेत हुदाँ समेत चिकित्सकले ध्यान नदिदाँ उनको मृत्यु भएको पीडित परिवारले आरोप लगाएका छन् ।

सामान्य अबस्थामै बच्चा जन्माएकाले त्रिशूली अस्पतालका चिकित्सकले उनको स्वास्थ्य जोखिममा नरहेको भन्दै वेवास्था गर्दा रक्तश्राव र अर्धचेत भएको एकघण्टा पछि मात्र थाहा पाएका थिए ।

जिल्ला अस्पतालमा उपचार हुन नसकेपछि थप उपचारको लागी सुत्केरीलाई जतिसक्दो चाडो काठमाडौ ल्याउनु पर्ने भएपनि नुवाकोट सुगम जिल्लामा पर्ने भन्दै सरकारीस्तरबाट हेलिकोप्टर उपलब्ध गराउन वेवास्था गर्दा निजीस्तरको हेलिकोप्टर मार्फत अस्पताल पु-याउन ढिलाई समेत भएको थियो ।


समयमै उपचार नपाएर सुत्केरी महिलाको मृत्यु भएपनि उनले जन्माएको शिशुको काठमाडौ स्थित कान्ती बाल अस्पतालमा उपचार भइरहेको र स्वास्थ्य अबस्था सामान्य बन्दै आएको छ ।