तार्केश्वरको उपाध्यक्षबाट कुटिएका प्रमुख प्रशासकीय अधिकृतले प्रहरीमा दिए जाहेरी

Posted on: May 24, 2019 | views: 8403

विदुर । नुवाकोटको तार्केश्वर गाँउपालिकाकाको प्रमुख प्रशासकीय अधिकृत अशोक दाहालले आफूलाई गाँउपालिका उपाध्यक्ष तारादेवी रिमालबाट कुटपिट गरेको भन्दै न्यायका लागी आज जिल्ला प्रहरी कार्यालयमा जाहेरी दिनुभएको छ ।
आफूले सिफारिस गरेका योजनाको लागी बजेट दिन नमानेको भन्दै उपाध्यक्ष रिमाले कुटपिट र दुव्र्यबहार गरेको भन्दै पक्राउ गरेर कारबाही गर्न मागगर्दै प्रमुख प्रशासकीय अधिकृत दाहालले प्रहरीमा किटानी जाहेरी दिएको बताउनुभयो ।


“आफ्नै कार्यकक्षमा सेवाग्राहीका काम गरेर बसिरहेको थिए ।” जाहेरी दिनुअघि प्रमुख जिल्ला अधिकारी उद्धवबहादुर थापासंग छलफल गर्ने क्रममा दाहालले भन्नुभयो “ गाँउसभामा समावेश नभएका विभिन्न चारवटा योजनामा रु छ लाख बजेट तर्जुमा गर्न दिएको निर्देशन कानूनले नमिल्ने बताउदाँ कुटपिट भयो ।”


                                                                            प्रमुख प्रशासकीय अधिकृत अशोक दाहाल

गाँउपालिका उपाध्यक्ष रिमालले भने आफूले दाहाललाई कुटपिट नगरेको जिकिर गर्नुभयो । उपाध्यक्ष रिमालबाट बिहीबार अपरान्ह चार बजेको सममया भएको कुटपिटबाट आफूले लगाएको कपडा (सर्ट) च्यातिएको तथा अभर्द ब्यवहार र गालीगलौज भएको दाहालले प्रहरीमा दिएको जाहेरीमा उल्लेख गरिएको छ ।

                                           उपाध्यक्ष तारादेवी रिमाल   

“सिफारिस भएका केही योजनामा उहाँ (प्रमुख प्रशासकीय अधिकृत)ले ‘कानूनले नमिल्ने’ बताएपछि मैलै कारण खोजेको हो ।” रिमालले भन्नुभयो “स–साना योजना समावेश गरेर जनतालाई सेवा दिन कसरी मिल्छ मिलाउनुहोस् भन्दा अफवाह फैलाइएको हो ।”

प्रमुख प्रशासकीय अधिकृतलाई उपाध्यक्षबाट भएको दुव्र्यबहारका विरुद्ध जिल्लाका बाह्रवटै  स्थानीयतहका प्रमुख प्रशासकीय अधिकृत सहितका कर्मचारीहरुले सयुक्त रुपमा बिज्ञप्ती मार्फत आपत्ति जनाउदै कारबाहीको माग गरेका छन् ।
अन्यायमा परेकालाई न्याय दिन गठित ‘न्यायिक समितिका संयोजक’ समेत रहने गाँउपालिका उपाध्यक्षबाट कर्मचारीमाथी भएको कुटपिट र दुव्र्यबहारप्रति कर्मचारीहरुको आधिकारिक ट्रेड युनियन सहित सबै संघ–संगठनले दोषीलाई कारबाहीको मागगर्दै प्रमुख जिल्ला अधिकारी उद्धवबहादुर थापालाई समेत ज्ञापन–पत्र बुझाएका छन्  ।

प्रमुख प्रशासकीय अधिकृत अशोक दाहाल लगायत जिल्लाका अन्य स्थानीयतहका प्रमुख प्रशासकीय अधिकृत र कर्मचारीहरु जिल्ला प्रशासन कार्यालयमा शुक्रबार प्रजिअ र जिल्ला प्रहरी प्रमुख समक्ष शान्ति सुरक्षा माग गर्दै ।


विभिन्न कर्मचारी संघसंगठनहरुले निकालेको विज्ञप्तीहरु :