विप्लव माओवादीमा आबद्ध भएको भन्दै रसुवाली कवि पक्राउ

Posted on: April 15, 2019 | views: 5033

धुञ्चे । रसुवाली कवि सोमबार पक्राउ परेका छन् । विप्लव नेतृत्वको नेकपा रसुवाका जिल्ला कमिटी सदस्य साहित्यकार ठाकुर प्रसाद तिमिल्सिनालाई प्रहरीले सोमबार पक्राउ गरेको हो ।

सरकारद्वारा प्रतिबन्धित नेत्रविक्रम चन्द विप्लव नेतृत्वको नेकपा नेता भएको भन्दै उनलाई प्रहरीले बालाजुबाट पक्राउ गरेको हो । शसस्त्र प्रहरीको विशेष टोलीेले गोप्य सूचनाको आधारमा उनलाई पक्राउ गरिएको प्रहरीले जनाएको छ ।

रसुवाको कालिका गाउँपालिका ३ का तिमिल्सिना काम विशेषले काठमाडौँ आएको बेला काठमाडौँ महागरपालिका १६ बालाजुको हिलेगाउँबाट पक्राउ परेका हुन् । पक्राउ परेका तिमिल्सिनालाई शसस्त्र प्रहरीको टोलीले प्रहरीलाई महानगरीय प्रहरी वृतलाई बुझाउन लागेको छ।