पब्जी खेललाई नेपालमा लगाइयो प्रतिबन्ध

Posted on: April 11, 2019 | views: 12517

काठमाडौ । सरकारले पब्जी खेलमा प्रतिबन्ध लगाएको छ । सञ्चार तथा सूचना प्रविधिमन्त्री गोकुल बास्कोटाले पब्जी खेलले आत्महत्याकाे घटना बढेकाे भन्दै प्रतिबन्ध लगाउन निर्देशन दिएका हुन् । पब्जी खेलका कारण विभिन्न घटना भएको भन्दै प्रहरीमा उजुरी परेपछि नेपाल दुरसञ्चार प्राधिकरणले बन्द गर्ने निर्णय गरेको हो।

नेपाल दुरसञ्चार प्राधिकरणका प्रवक्ता मीनप्रसाद अर्यालले पब्जी खेलमा प्रतिबन्ध लगाएको बताए । पब्जी इन्टरनेटबाट खेलिने भिडियो गेम हाे । यो खेल दक्षिण कोरियाली भिडियो गेम कम्पनी ब्लूहोल मातहतको पब्जी कर्पोरेसनले बनाएकाे हाे ।