नुवाकोटको विदुरमा माइक्रोबस र मोटरसाइकल ठोक्किदाँ दुई गम्भीर

Posted on: April 11, 2019 | views: 8376

विदुर । नुवाकोटको विदुरबाट आज बिहान त्रिशूलीतर्फ जादै गरेको मोटरसाइकल र त्रिशूलीबाट आउदै गररेको माइक्रोबस एक–आपसमा ठोक्किदा दुई जना घाइते भएका छन् ।

बा.८४ प ९२१४ नं. को मोटरसाइकललाई त्रिशूलीबाट आउदै गरेको बा. १ ज ९३४४ नंं को माइक्रोबसले विदुर स्थित लोकतान्त्रिक चौतारो नजिकै ठक्कर दिदाँ मोटरसाइकल चालक विदुर नगरपालिका–९ का राजकुमार ढकाल र त्यसमा सवार सन्तोष तामाङ गम्भीर घाइते भएको जिल्ला प्रहरी कार्यालयका प्रहरी उपरीक्षक कृष्णबहादुर पल्लिमगरले जानकारी दिनुभयो ।


उहाँको अनुसार दुर्घटनामा परेका ३४ वर्षका ढकालको अबस्था गम्भीर छ ।


उहाँको दायाँ खुट्टामा गहिरो चोट लागेको छ । ३३ वर्षका तामाङको दायाँ हात भाचिएको र शरीरको विभिन्न स्थानमा चोट लागेको छ ।



उनीहरुलाई जिल्ला स्थित नुवाकोट सिटी अस्पतालमा उपचार हुन नसकेपछि हेलिकोप्टर मार्फत काठमाडौको ग्राण्डी अस्पतालमा पठाइएको छ ।


दुर्घटना पश्चात स्थानीयवासीले माइक्रोबसमा तोडफोड गरेका छन् । चालक फरार भएकाले खोजी भइरहेको प्रहरीले जनाएको छ । प्रहरीको अनुसार ती चालकको सवारी चालक अनुमति पत्र नभएको पाइएको छ ।