नुवाकोट उद्योग बाणिज्य संघको मतगणना जारी : कार्की प्यानल नै अगाडी

Posted on: April 07, 2019 | views: 10130












नुवाकोट । नुवाकोट उद्योग बाणिज्य संघको नयाँ नेतृत्व चयनको लागी भएको मतदानको मतगणना जारी छ । जारी रहेको मतगणनामा ताराबहादुर कार्की नेतृत्वको प्यानल नै अगाडी रहेको छ । ११५ मतको गणना हुदा अध्यक्षमा कार्की ७४ मत र श्रेष्ठले ३६ मत ल्याएका छन् ।
अध्यक्ष सहित बाँकी पदाधिकारी र सदस्यहरुमा पनि कार्की प्यानल नै अगाडी रहेका छन् ।



शनिबार विदुरमा भएको मतदानमा १४६३ मत खसेको सहायक निर्वाचन अधिकृत पुष्कर शर्मा रिमालले जानकारी दिनुभयो ।

उहाँको अनुसार मतदानमा १४५३ मत पदाधिकार सहित महिलाा सदस्य तथा खुला सदस्यको लागी खसेको हो भने दश मत पदाधिकारी, महिला सदस्य तथा बस्तुगत सदस्यको लागी खसेको हो ।  

मतदान सम्पन्न भएपछि मत गणनाको लागी राती दश बजेदेखि थालिएको आचार संहिता बनाउने कार्य तथा गणनाको लागी आवश्यक तयारी पूरा भएपछि राती साढे १२ बजेदेखि सुरु गरिएको हो । ११५ मत गणना गर्न बिहान पाँच बजेसम्म लागेको हो ।
 
मतगणना स्थल विदुरमा दुवै पक्षका समर्थनहरुको उल्लेख्य सहभागिता रहेको छ । सुरक्षा व्यवस्था पनि बाक्लो रहेको छ । गणनास्थलमा उम्मेदवारहरु पनि सक्रिय रुपमा बसिरहेका छन् ।

यही शनिबार भएको मतदानमा १७०० भन्दा बढी मतदाता रहेकोकमा करीब तीन सय मतदाता सहभागी भएनन ।  
दशौँ अधिवेशन अन्तरगतको निर्वाचनमा ताराबहादुर कार्की र रमेश श्रेष्ठ अध्यक्ष रहेको दुई प्यानल चुनावी प्रतिस्पर्धामा रहेका छन् ।

दुई पक्ष अन्तरगत कार्कीले लोकतान्त्रिक व्यवसायी र श्रेष्ठले प्रगतिशील प्यानलको नेतृत्व गर्नुभएको हो ।