नुवाकोट उद्योग बाणिज्य संघको नयाँ नेतृत्व चयनको लागी मतदान जारी

Posted on: April 06, 2019 | views: 5579

नुवाकोट । नुवाकोट उद्योग बाणिज्य संघको नयाँ नेतृत्व चयनको लागी विदुरमा मतदान भइरहेको छ ।
 बिहान ८ बजेबाट सुरु हुने भनिएपनि आवश्यक तयारी मिलाउन भएएको ढिलाईले करीब ९ बजेबाट मतदान सुरु भएको सहायक निर्वाचन अधिकृत पुष्कर शर्मा रिमालले जानकारी दिनुभयो ।
उहाँको अनुसार मध्यान्ह १२ बजेसम्म दुई सय मतदाताले मतदान गरेका छन् ।



 मतदानमा उल्लासजनक सहभागिता भएपनि नाम पुष्टि गर्न हुने ढिलाईले मतदानमा भोट खसाल्न पनि ढिलाई भएको उहाँले बताउनुभयो । सिमसिम पानी समेत परिरहेकाले मतदानमा केही असहज भएको देखिन्छ । दुई पक्षबीचको सहमति अनुसार बिहान ८ बजेदेखि साँझ ६ बजेसम्म मतदिन पाउने व्यवस्था गरिएको छ । मतदानमा १७०० भन्दा बढी मतदाता रहेका छन् ।

दशौँ अधिवेशन अन्तरगतको निर्वाचनमा ताराबहादुर कार्की र रमेश श्रेष्ठ अध्यक्ष रहेको दुई प्यानल चुनावी प्रतिस्पर्धामा रहेका छन् ।
दुई पक्ष अन्तरगत कार्की लोकतान्त्रिक व्यवसायी र श्रेष्ठले प्रगतिशील प्यानलको नेतृत्व गर्नुभएको हो ।