तीन दिनसम्म मौसममा बदली हुने, बर्षादेखि हावाहुरीको समेत खतरा

Posted on: April 06, 2019 | views: 12593

काठमाडौ । काठमाडौंमा आज विहानैबाट मेघ गर्जनसहित हावाहुरी चलिरहेको छ । हावाहुरीसहित पानी पनि परिरहेको छ । यो क्रम अझै दुईदिनसम्म चल्ने छ ।

पश्चिमी वायूको प्रभाव र न्यूनचापिय रेखा पश्चिमतिर सक्रिय रहेकाले मौसममा बदली आएको हो । प्रि मनसुनको सिजन भएको र यो सिजनमा हावाहुरी र चट्याङ्गसहित पानी पर्ने गरेको जल तथा मौसम विभागकी मौसमविद् विभूती पोखरेलले जानकारी दिइन् ।  उनका अनुसार अझै तीन दिन मौसममा बदली आउने छ । यद्यपि आजको तुलनामा आइतबार र सोमबार केही कम हुनेछ ।

विभागका अनुसार आज देशका अधिकाम्स भूभागमा सामान्य देखि पूर्णतया बदली रहनेछ केही स्थानमा  मेघ गर्जन र चट्याङ्गसहित हुरी बतास चल्ने छ भने वर्षा पनि हुने छ ।

उच्च हिमाली  भूभागका केही स्थानमा हल्का देखि मध्यम  हिमपातको सम्भावना रहेको विभागको भनाइ छ । तराईका भूभागहरुमा हुरी बतास चल्ने सम्भावना रहेको छ ।