भीषण हावाहुरी:किन भएन मौसमविद्हरुको पूर्वानुमान, लापरवाही कि सिस्टमै फेल ?

Posted on: April 01, 2019 | views: 15035

काठमाडौं । आइतवार साँझ चलेको हावाहुरीले बारा र पर्सामा वितण्डा मच्यायो । विनासकारी हावा र हुरीका कारण ३१ जनाले ज्यान गुमाएका छन् भने ५०० भन्दा बढि घाइते भएका छन् । दर्जनौ बिजुलीका पोलहरु ढलेका छन् भने मानवीय र भौतिक दुवै ठुलो क्षति भएको छ । हावाहुरीले यति ठुलो वितण्डा मच्चाउन सक्ने पूर्वानुमान किन हुन सकेन ? मौसमविदहरु किन चुके र यति ठुलो जनधनको क्षति भयो ?

मौसमविद् मिनकुमार अर्यालले भने “यहाँ हामी र हाम्रो सिस्टम चुकेको छ । सामान्य मनसुनको  संकेत हाम्रो सिस्टमले गरेको थियो । तर, एक्कासी यस्तो भयो की हाम्रो सिस्टमले पूर्वानुमान नै गर्न सकेन ।” मौसदबिद्हरुले पूर्वानुमान गर्न सकेको भए जनधनको क्षति कम गर्न सकिन्थ्यो भन्ने प्रश्न उठ्न थालेका छन् ।

भारतको मध्यप्रदेशबाट आएको वायु र स्थानीय स्तरकै वायुको निम्न चापीय क्षेत्रमा यस्तो वितण्डा मच्चिएको आंकलन मौसमबिद्हले गरेका छन् तरपनि एक्कासी यस्तो हावाहुरी कसरी चल्यो भने बिषयमा रिसर्च गर्न आवश्य रहेको उनीहरु बताउँछन् ।  “न्यूनचापीय वायु र आकाशबाट खसेको बायु मिसिँदा यस्तो अवस्था आएको हुन सक्छ किनकी हावाहुरीका साथै मेघ गर्जन तथा चट्याङ समेत परेको पाइयो’’ मौसमबिद् अर्यालले भने ।