नुवाकोटमा मिनीबास दुर्घटना, चालकको अबस्था गम्भीर

Posted on: March 01, 2019 | views: 7296

त्रिशूली । शुक्रबार साँझ मिनीबस दुर्घटना हुदाँ चालक गम्भीर घाइते भएका छन् ।
त्रिशूलीबाट गेर्खुको गैरीखर्कतर्फ जादै गरेको ना.४ ख ७३०० नं. को बस दुर्घटना हुदाँ त्यसका चालक श्यामबहादुर तामाङ गम्भीर घाइते भएको जिल्ला प्रहरी कार्यालय नुवाकोटका प्रहरी उपरीक्षक कृष्णबहादुर पल्लिमगरले जानकारी दिनुभयो ।


दुर्घटनामा घाइते भएका ४८ वर्षका तामाङको जिल्ला अस्पताल त्रिशूलीमा उपचार हुन नसकेपछि थप उपचारको लागी काठमाडौ पठाइएको छ ।


विदुर नगरपालिका–१० स्थित चालकले आफ्नो घरतर्फ लैजादै गरेको बस साँझ सात बजेतिर गेर्खुटार स्थित सडकमा अनियन्त्रित भएर करीब एकसय मिटर तल पुगेर रुखमा अड्किएको वडा नं .१० का वडाध्यक्ष गणेशकुमार नेपालले जानकारी दिनुभयो । प्रहरीको अनुसार दुर्घटनाको समयमा बसमा चालक मात्र रहेका थिए ।