नयाँ नेतृत्व चयन गर्दै गाउँपालिका राष्ट्रिय महासंघको भेला सम्पन्न

Posted on: February 19, 2019 | views: 6326

दोलखा । गाउँपालिका राष्ट्रिय महासंघ प्रदेश ३ को सम्मेलन सम्पन्न भएको छ । मंगलबार दोलखाको किर्नेटारमा सम्पन्न प्रदेशभरिका गाउँपालिका जनप्रतिनिधिको सम्मेलनले अध्यक्षमा ईश्वरचन्द्र पोखरेल चुनिएका छन् ।

क्रमशः समितिको उपाध्यक्ष धावा लामा, सचिव विनोदराज तिमल्सिना चुनिएका हुन् । लामा रामेछाप सुनापति गाउँपालिकाका अध्यक्ष हुन् भने तिमिल्सिना धादिङ ज्वालामुखी गाउँपालिकाका अध्यक्ष हुन् । सिन्धुपाल्चोक सुनकोसी गाउँपालिकाकी उपाध्यक्ष लक्ष्मी पौडेल सहसचिव र धादिङका ज्वालामुखी गाउँपालिकाकी उपाध्यक्ष जानुका सिम्खडा कोषाध्यक्ष बनेकी छन् ।

यसैगरी सदस्यहरुमा नुवाकोट दुप्चेश्वर गाउँपालिकाका अध्यक्ष योविन्द्रसिंह तामाङ, नुवाकोट ककनी गाउँपालिकाका उपाध्यक्ष सिता खतिवडा लामा, नुवाकोट तारकेश्वर गाउँपालिकाका उपाध्यक्ष तारादेवी रिमाल, सिन्धुली तिनपाटन गाउँपालिकाका अध्यक्ष कर्णवहादुर थापा, रामेछाप गोकुलगंगा गाउँपालिकाका अध्यक्ष खड्गबहादुर सुनुवार, काभ्रेपलाञ्चोक भुम्लु गाउँपालिकाका अध्यक्ष गुमानध्वज कुँवर, ललितपुर महाँकाल गाउँपालिकाका उपाध्यक्ष कमला तामाङ, सिन्धुली फिक्कल गाउँपालिकाका उपाध्यक्ष पार्वती सुनुवार, रसुवा कालिका गाउँपालिकाका उपाध्यक्ष भवानीप्रसाद न्यौपाने, मकवानपुर मनहरी गाउँपालिकाका अध्यक्ष एकराज उप्रेती, रामेछाप उमाकुण्ड गाउँपालिकाका उपाध्यक्ष उर्मिला कार्की, सिन्धुली हरिहरपुरगढी गाउँपालिकाका उपाध्यक्ष अनिताकुमारी राई, धादिङको बेनिघाट गाउँपालिकाका अध्यक्ष हरि दर्लाकोटी र दोलखा तामाकोशी गाउँपालिका १ भिरकोटका अध्यक्ष महेश्वर काफ्ले रहेका छन् ।

                                                             दुप्चेश्वर गाउँपालिकाका अध्यक्ष योविन्द्रसिंह तामाङ

                                                                निर्वाचित पदाधिकारीहरु ।


निर्वाचित कार्य समितिको कार्यावधि बर्तमान स्थानीय सरकारको अवधिभर हुनेछ । अधिवेशनको उद्घाटन उपप्रधानमन्त्री तथा रक्षामन्त्री ईश्वर पोखरेलले सोमबार गरेका थिए । कार्यक्रममा प्रदेश ३ का ७४ वटा गाउँपालिकाका अध्यक्ष ,उपाध्यक्ष र गाउँसभा सदस्यहरु गरी २ सय २२ जना प्रतिनिधिहरु सहभागी थिए ।