लिखु गाँउपालिका र रेडक्रस नुवाकोट शाखाको सयुक्त पहलमा पशु स्वास्थ्य शिविर

Posted on: January 30, 2019 | views: 5547

खानीगाँउ । नुवाकोटको लिुख गाँउपालिका वडा न. १ मा लिखु गाँउपालिकाको आयोजना र नेपाल रेडक्रस सोसाइटी नुवाकोट शाखाको सहआयोजामा दुवै सँस्थाको सयुक्त पहलमा बुधबारदेखि दुई दिने पशु स्वास्थ्य शिविर सञ्चालनमा आएको छ । लिखु गाँउपालिका सहित आसपासका कृषकलाई सेवा पु-याउने उद्देष्यले सञ्चालनमा ल्याइएको शिविरमा किसानले पशु, चौपाय तथा पंक्षीको लागी आवश्यक परामर्श, स्वास्थ्य जाँच, परीक्षण, औषधि उपलब्ध लगायतका आधुनिक सुविधाहरु सबै निःशुल्क प्रदान गरिएको छ ।


लिखु गाँउपालिका अन्तरगत रहेको आर्थिक विकास शाखा कृषि पशुपंक्षी तथा सहकारी उपशाखामा आबद्ध प्राविधिकहरु र रेडक्रस नुवाकोट शाखाले उपलब्ध गराएको प्राविधिकहरुले सयुक्त रुपमा शिविरमा पशु चौपायको जाँच गराउन आएका किसानलाई सेवा उपलब्ध गराइरहेको रेडक्रस नुवाकोट शाखाका कार्यक्रम संयोजक रबिन दाहालले जानकारी दिनुभएको छ । उहाँको अनुसार शिविरमा सेवा लिन आएका किसानलाई पशु चौपाय तथा पंक्षी जाँच गराउन गाँउपालिकाको कार्यालय र रेडक्रस नुवाकोट शाखाले उपलब्ध गराएका प्राविधिकहरु खटिएका छन् भने निःशुल्क औषधिको लागी रेडक्रससंगको सहकार्यमा गाँउपालिकाले चार लाख रुपैयाँ उपलब्ध गराएको छ ।


शिविरमा पशु चौपाय तथा पंक्षीको लागी सबै प्रकारका रोगको निःशुल्क परीक्षण सहित औषधी समेत उपलब्ध गराइएको छ भने गाई, भैसीलाई कृत्रिम गर्भाधारण सेवा, गाई, भैसी गोरु, रागो लगायतको नत्थी लगाउनको लागी नाक छेड्ने, गोरु, बोका (बहर)लाई सुमार्ने (बन्धाकरण) सेवा समेत निःशुल्क उपलब्ध गराइएको रेडक्रस नुवाकोटका सामुदायिक प्रशिक्षक समुन्द्रबाबु अधिकारीले जानकारी दिनुभएको छ ।



उहाँको अनुसार बुधबारदेखि सुरु भएको दुई दिने शिविरको पहिलो दिन किसानलाई सहज रुपमा सेवा उपलब्ध गराउनको लागी रेडक्रस जिल्ला शाखाका कार्यक्रम संयोजक दाहाल सहित जिविकोपार्जनमा कार्यक्रममा आबद्ध कर्मचारीहरु, लिखु वडा नं. १ का वडाध्यक्ष नरहरि पाण्डे, वडा नं. ३ का वडाध्यक्ष भोलाराज सेढाई, रेडक्रस नुवाकोट शाखाका कार्यसमिति सदस्य एवम् खानीगाँउ उपशाखा सभापति गोकर्ण ढकाल लगायतले शिविर सञ्चालनमा सहजिकरण गर्नुभएको थियो ।