प्रहरीचौकी तारुकाको नयाँ भवन उदघाटन

Posted on: January 30, 2019 | views: 5099

नुवाकोट ।  राष्ट्रिय पुर्ननिर्माण प्राधिकरण कोषको  सहयोगमा प्रहरी चौकी तारुकाको परिसरमा नव निर्मित कार्यालय भवनको उदघाटन ३ नं प्रदेश प्रहरी कार्यालयका प्रमुख प्रहरी नायव महानिरीक्षक दिपक कुमार थापाले मंगलबार गर्नुभएको छ । प्रहरी चौकी तारुका नुवाकोटको नवनिर्मित भवनको निरीक्षण तथा अवलोकनको साथै उहाँले अमुल्य मन्तव्य दिनुभएको छ ।


कार्यक्रममा प्रनाउई अनिल रानाबाट भवन निर्माण सम्बन्धी प्रतिवेदन प्रस्तुत गर्नुभएको थियो भने जिल्ला प्रहरी कार्यालयका प्रमेख एसपी कृष्ण बहादुर पल्ली मगरबाट स्वागत मन्तव्य राख्नुभएको थियो । उक्त कार्यक्रममा तारकेश्वर गाउपालिकाको अध्यक्ष रमेश बहादुर वस्ती र नुवाकोटका सहायक प्रमुख जिल्ला अधिकारी  गोपाल अधिकारीले प्रहरीले पुर्याउदै आएको भूमिका र प्रहरीले सञ्चालन गरिरहेको विभिन्न अभियानका कार्यक्रमले नागरिक प्रहरीबीचको सम्बन्ध सुमधुर हुदै गएको र समाजमा अपराध न्युनिकरणमा टेवा पुगेको बताउनुभयो ।


कार्यक्रममा जिल्ला प्रहरी कार्यालयका प्रहरी नायव उपरीक्षक भीमलाल भट्टराईले धन्यावाद ज्ञापन गर्नुभएको थियो भने  बिभिन्न सरकारी एवं गैर सरकारी कार्यालयका प्रमुखहरु, राजनैतिक दलका पार्टि प्रमुख तथा प्रतिनिधिहरु, नागरिक समाजका प्रतिनिधिहरु, विभिन्न संघ संस्थाका प्रतिनिधिहरु, बितिय संस्थाका प्रमुख तथा प्रतिनिधीहरु, सामुदायिक प्रहरी सेवाकेन्द्र नुवाकोटका अध्यक्ष तथा प्रतिनिधिहरु, पत्रकारहरु,शिक्षक शिक्षिका तथा विद्यार्थीहरु, आम जनसमुदाय, प्रहरी कर्मचारीहरु गरि दुई सय भन्दा बढीको उपस्थिती रहेको थियो ।


उक्त भवन पुर्ननिर्माण कोष मार्फत ६६ लाख २१ हजनार ८३० रुपैयाँमा निर्माण गरिएको हो । कार्यक्रममा भवन निर्माण गर्ने निर्माण व्यवसायीलाई तोकिएको समयमा कार्य सम्पन्न गरे बापत र भवनको लागी निःशुल्क जग्गा दिनेदातालाई सम्मान गरिएको थियो ।