स्टार इङ्लिस बोर्डिङमा आगो लाग्यो

Posted on: January 19, 2019 | views: 10531

कोलनी । नुवाकोटको विदुर नगरपालिका–९ स्थित स्टार इङ्लिस बोर्डिङ स्कुलमा शुक्रबार अपरान्ह आगलागी भएको छ ।


दिउसो करिब ३ बजेतिर लागेको आगोले विद्यालयको छात्रबास रहेको भवनको एकवटा कोठा जलेर पूर्ण क्षति पुगेको छ । विद्यालयका प्रिन्सिपल उषा अधिकारीको अनुसार आगलागीबाट चार जना विद्यार्थी सुत्ने गरेको कोठा जलेर नष्ट हुदाँ उनीहरुको ओछ्यान लगायतका लत्ताकपडा, अध्ययनका सामाग्रि क्षति पुगेको छ । आगो लागेको केही समयमा पुगेको विदुर नगरपालिकाको दमकलको सहयोगमा स्थानीयबासी, प्रहरी, नेपाली सेनाको सहयोगले आगो आधा घण्टामा नै नियन्त्रणमा आएको थियो ।


आगलागीबाट करिब एक लाख बराबरको धनमाल क्षति भएको नुवाकोट प्रहरी प्रमुख कृष्णबहादुर पल्लिमगरले जानकारी दिनुभयो ।


शुक्रबार दिन भएकाले दिनको एक बजे नै विद्यालय बन्द भएको र छात्रबासका विद्यार्थी समेत घर गएकाले कोही नभएको समयमा आगो लागेकाले विद्युत गढबढ भएको हुनसक्ने प्रहरीको अनुमान छ ।