नुवाकोटमा खाद्य प्रविधि तथा गुण नियन्त्रण डिभिजन कार्यालय स्थापना

Posted on: January 17, 2019 | views: 5557

विदुर । नुवाकोट, रसुवा र धादिङमा सेवा पु¥याउने उद्देश्यले विदुरमा खाद्य प्रविधि तथा गुण नियन्त्रण डिभिजन कार्यालय स्थापना गरिएको छ ।

खाद्य सामग्रीसम्बन्धी तीन जिल्लामा बजार अनुगमन, निरीक्षण, नमूना सङ्कलन, परीक्षण, मुद्दा दायर, जनचेतना अभिवृद्धि एवं परामर्शलगायत सेवा पु¥याउन कार्यालय स्थापना गरिएको हो । कार्यालयमा वरिष्ठ खाद्य अनुसन्धान अधिकृतसहित नौ जनाको दरबन्दी भए पनि हाल खाद्य अनुसन्धान अधिकृतसहित चार कर्मचारीबाट सेवा थालिएको निमित्त कार्यालय प्रमुख ९खाद्य अनुसन्धान अधिकृत० नवराज श्रेष्ठले बताउनुभयो ।

उहाँका अनुसार यसअघि यहाँका तीन जिल्लाको कामकारवाही काठमाडौँबाटै हुने गरेको थियो । “नागरिकलाई सरकारी सेवा अधितकतम पायक पर्ने स्थानबाट उपलब्ध गराउन विदुरमा कार्यालय स्थापना गरिएको हो,” श्रेष्ठले भन्नुभयो । कार्यालयले खाद्य उद्योग, पेयपदार्थ उद्योग, किराना पसल, होटललगायत बिक्रीमा राखिएका खाद्य सामग्रीको गुणस्तर मापन गरेर मानवीय स्वास्थ्यप्रति सचेत गराउने काम गर्नेछ । उपभोक्तालाई जागरुक बनाउन सचेतना गोष्ठी, तालीम, परामर्श, होमस्टे ९घरबास० लाई प्रश्रय गरी पर्यटन प्रवद्र्धनमा समेत सहयोग पु¥याउने लक्ष्य छ ।

कार्यालय स्थापनासँगै सरोकारवालासँगको समन्वयनमा खाद्य सामग्रीसम्बन्धी नियमित बजार अनुगमन, निरीक्षण, नमूना सङ्कलन, परीक्षण, मुद्दा दायर, जनचेतना अभिवृद्धि एवं परामर्श र होटलको स्तरीकरण (गुणस्तर मापन चिह्न) गर्ने कार्यक्रम एकल तथा संयुक्त रुपमा कार्यालयले अघि बढाएको छ ।