छोराको उपचारको लागी सहयोग गर्न नुवाकोटका गोपी मिजारको आग्रह

Posted on: December 05, 2018 | views: 7799

विदुर । नुवाकोटको विदुर नगरपालिका वडा नं। ३ खङ्गभञ्याङको छापथोकमा गोपी मिजारले आफ्नो छोराको उपचारको लागी सहयोगको अपिल गर्नुभएको छ ।

पछिल्लो समय ढिकुरे बजारमा बस्दै आउनुभएका मिजारले करीब पाँच वर्षका गौरवको टंङ्सीलको उपचारको लागी रकम अभाव भएकाले सहयोगको आग्रह गर्नुभएको हो ।

जन्मेको समयदेखि नै टंङ्सीलबाट प्रभावित भएको गौरवको पछिल्लो समय घाटीमा मासु बढ्दै गएर शल्यक्रिया गर्नुपर्ने भएकाले उपचारको लागी रक अभाव भएको बताउनुभएको छ । गौरवको शल्यक्रिया गर्न आगामी पुस पहिलोसाता भित्र गरिसक्नको लागी चिकित्सले समयसीमा दिएको र त्यसको लागी सहुलियत सुविधा सहित साढे दुई लाख रुपैयाँ लाग्ने जनाएकाले रकम अभावले सहयोगको आग्रह गरेको उहाँले बताउनुभएको छ ।

ढाँड कुप्रो भएर सजिलोसंग हिडडुल समेत गर्न नसक्ने र चरम आर्थिक अभाव भएकले गोपी मिजारले दाताहरुबाट सहयोग भएमा छोरा गौरवलाई बचाउन सहयोगको आपिल गर्नुभएको हो ।  

उहाँलाई सहयोग गर्न चाहनेले फोन नं. ९८६१८१५३५३ मा सम्पर्क गरेर ढिकुरे बजारमा भेट्न सक्नुहुनेछ ।