किस्पाङ पोखरी र फिकुरी मन्दिरमा मेला सम्पन्न

Posted on: November 19, 2018 | views: 4295

काहुले । हरिबोधिनी अर्थात् ठूलो एकादशी पर्वको अवशरमा किस्पाङ गाँउपालिकको दुई स्थान किस्पाङ पोखरी फिकुरीमा विशेष मेला लागेको छ । गाँउपालिकाबासीले मनाउने पर्वहरु मध्ये सबैभन्दा ठूलो पर्वको रुपमा लिने एकादशी पर्वलाई किस्पाङ गाँउपालिका सहित नुवाकोट, रसुवा, धादिङ लगायतका स्थानबाट सहभागी भक्तजनले उल्लासको साथ मनाएका छन् ।


एकादशी पर्वको अवशरमा अघिल्लो दिन आइतबारसाँझदेखि सुरु भएको किस्पाङ पोखरीको मेला र त्याहाँबाट चार घण्टाको पैदल दुरीमा पर्ने फिकुरी महादेवको मन्दिरमा लागेको मेला सोमबार अपरान्हदेखि सम्पन्न भएको फिकुरी स्थित महादेव आधारभूत विद्यालयका शिक्षक रबिन्द्रनाथ न्यौपानेले जानकारी दिनुभएको छ । फिकुरी महादेवको मन्दिरमा लागेको मेला भर्न चारघण्टा भन्दा बढीको पैदल दुरीहुदै बालबालिकादेखि बृद्धबृद्धासम्मको उल्लेख्य सहभागिता रहेको थियो । किस्पाङ महादेव मन्दिरमा लागेको जात्रा स्थानीय तामाङ समुदायको सँस्कृति अनुसार झाक्री माफर्त समापन गर्ने गरिएको छ ।



आइतबारसाँझ देखि सोमबार अपरान्हसम्म चलेको मेलामा दुई हजार भन्दा बढी भक्तजनको सहभागिता रहेको थियो । मेला भर्न पुगेका भक्तजनलाई सानिमा बैंक किस्पाङ शाखाले निःशुल्क रुपमा खानेपानी उपलब्ध गराएको बैंकका शाखा प्रबन्धक प्रसन्न सेढाईले जानकारी दिनुभएको छ ।

यस्तै, जात्रामा सहभागि भएकाहरुलाई काहुले स्वास्थ्य चौकीले निःशुल्क रुपमा स्वास्थ्य जाँच, परीक्षण तथा औषधी समेत उपलब्ध गराएको स्वास्थ्य चौकीका इञ्चार्ज उदय घिसिङले जानकारी दिनुभएको छ ।