नुवाकोटमा सोमबार र मंगलबार दिनभर बत्ति बन्द हुने

Posted on: November 18, 2018 | views: 4192

विदुर । निर्माणाधीन त्रिशूली–काठमाडौँ २२० केभी ‘डबल’ प्रसारण लाइनमा तार विस्तारको लागी नुवाकोटमा दुईदिन विद्युत आपूर्ति बन्द हुने भएको छ ।


नेपाल विद्युत प्राधिकरण, नुवाकोट वितरण केन्द्रले सूचना जारी गर्दै यही मङ्सिर ३ र ४ गते अर्थात सोमबार र मंगलबार दुईदिन नुवाकोट जिल्लाभर नै विद्युत बन्द हुने जनाएको हो ।

त्रिशूली–काठमाडौँ प्रशारण लाइनको तार विस्तारको क्रममा जिल्लामा ६६ केभी प्रशारण लाइन मार्फत वितरण भएको स्थानीय प्रशारण तारमा छोएर दुर्घटना हुनसक्ने भएकाले दुई दिन विद्युत आपूर्ति बन्द गर्न लागिएको केन्द्र प्रमुख सन्तोष कुमारले जानकारी दिनुभयो ।