नुवाकोटमा बढ्यो बलत्कारको अपराध, बौद्धिक अपाङ्गता भएकी भाञ्जी बलत्कार गर्ने पक्राउ

Posted on: November 17, 2018 | views: 8580

नुवाकोट । बौद्धिक रुपमा अपाङ्गता र नाताले भाञ्जीपर्ने एक किशोरीलाई जबरजस्ती करणी गरेको अभियोगमा नुवाकोट प्रहरीले सूर्यगढी गाउपालिका–३ बागेश्वरीका सोमबहादुर तामाङलाई शुक्रबार पक्राउ गरेको छ ।


२८ वर्षका तामाङलाई नियन्त्रणमा लिएर नुवाकोट जिल्ला अदालतमा जबरजस्ती करणी गरेको अभियोगमा मुद्धा दर्ता गरेको जिल्ला प्रहरी कार्यालयका प्रहरी निरीक्षक राजाराम खड्काले जानकारी दिनुभयो । तामाङलाई हिरासतमा राखेर अनुसन्धान गर्न अदालतले तीन दिनको म्याद दिएको छ ।


प्रहरी निरीक्षक खड्काको अनुसार तामाङले बिहीबार ती किशोरीलाई जबरजस्ती करणी गरेको भनी पीडित परिवारले प्रहरी समक्ष उजुरी दिएका थिए ।


१७ वर्षीयाँ पीडित किशोरीको स्वास्थ्य परीक्षण, प्रारम्भिक अनुसन्धान लगायतको आधारमा ‘अपराध’ भएका तथ्य पाइएकाले तामाङ विरुद्ध मुद्धा दर्तागरी कारबाहीको लागी अनुसन्धान सुरु गरेको प्रहरीले जनाएको छ ।