नेकपाको नेता अधिकारीको रुखबाट लडेर मृत्यु

Posted on: November 16, 2018 | views: 7886

नुवाकोट । नुवाकोटको सूर्यगढी गाँउपालिका–५ गणेशस्थानका हरिचन्द्र (डेलबहादुर) अधिकारीको शुक्रबार रुखबाट लडेर मृत्यु भएको छ ।


घर नजिकै पर्ने कटहरको रुखमा घाँस काट्न गएका ६० वर्षका अधिकारीको लडेर घटनास्थलमा नै ज्यान गएको जिल्ला प्रहरी कार्यालयका प्रमुख बसन्त कुंवरले जानकारी दिनुभयो ।
हाल नेपाल कम्युनिष्ट पार्टीका स्थानीय नेता रहेका उनी यसअघि साविक गणेशस्थान गाविसको नेकपा (एमाले)का उपाध्यक्ष थिए ।


उनको पार्थिव शरीरमा नेकपाको जिल्ला नेता एवम् प्रदेससभा सदस्य बद्री मैनाली लगायतले पार्टीको झण्डा ओढाएर श्रद्धाञ्जली दिएपश्चात आजै अन्तिम सँस्कार गरिएको छ ।