शिखरवेशीमा आगलागी, घरमा भएको सबै सामाग्रि जलेर नष्ट

Posted on: November 15, 2018 | views: 4915

रामती । दुप्चेश्वर गाउपालिका वडा नं  ७  शिखरवेशीको तिल्केकुनामा रहेको वीरबहादुर तामाङको घर जलेर नष्ट भएको छ ।

घर नजिकैको परालमा बालबालिकाले खेल्ने क्रममा बिहीबार लागेको आगोबाट घर जलेर नष्ट भएको हो । आज दिउसो करिब १ बजेतिर लागेको आगो स्थानीयबासिको करीब दुइ घण्टा पछि नियन्त्रणमा लिइएको थियो ।

आगलागीको कारण घरमा रहेका अन्नपात, लत्ताकपडा, भाडावर्तन लगायतका दुई लाख रुपैयाँ भन्दा बढीको सामाग्रिं जलेर नष्ट भएको वडा न ७ का वडाअध्यक्ष भेषबहादर सिटौलाले जानकारी दिनुभएको छ । उहाँको अनुसार पीडित परिवारलाई वडा कार्यालय र गाँउपालिकाको तर्फबाट सहयोग पु¥याउन लागिएको छ ।