पूर्वाधार विकास कार्यक्रमको चार करोड हितबहादुर तामाङले कहा-कहा छुट्टाए (पूर्ण विवरण)

Posted on: November 15, 2018 | views: 4898

नुवाकोट । नुवाकोटको प्रतिनिधिसभा निर्वाचन क्षेत्र नं १ का सांसद हितबहादुर तामाङले स्थानीय पूर्वाधार विकास साझेदारी कार्यक्रमको चार करोड रुपैयाँ बजेट बिहीबार बाँडफाँट गर्नुभएको छ ।
कार्यक्रम निर्देशक समितिको विदुरमा बसेको बैठकले निर्वाचन क्षेत्र नं १ मा रहेका सातवटा स्थानीयतहमा समान रुपमा बजेट बिनियोजन हुनेगरी विभिन्न २० योजना तय गरिएका छन् ।

बिनियोजित योजनामा ५० लाख रुपैयाँ बजेटको दुई ठूला योजना ककनी गाँउपालिकाको वडा नं ४ रानीपौवा, ढुंगेनपौवा, लामागाँउ, चतुराले, ढाडफेदीहुदै गंगटे जोड्ने सडक र पञ्चकन्या गाँउपालिकाको वाड नं ४ लाई लाभपुग्ने गरी सातविसे मंगला माविहुदै टोड्के भञ्याङ्ग सडक छनोट गरेको सांसद् तामाङले जानकारी दिनुभएको छ ।


उहाँको अनुसार सरोकारवाला, स्थानीयतहको गाँउसभा मार्फत प्रथामिकता प्राप्त योजना, कार्यक्रम परामर्श समितिको बैठक लगायतबाट राय एवम् सुझाव संकलन गरी भौतिक पूर्वाधार अन्तरगत सडकलाई प्रथामिकता दिएर बजेट छुट्टाइएको छ ।

बिनियोजन गरिएको २० वटा योजना मध्ये १८ वटा योजना सडक विस्तार, स्तरउन्नती एवम् मर्मतको लागी बजेट छुट्टाइएको छ । बाँकी दुई वटा योजनामा सिचाई र खेल मैदान निर्माणमा जोड दिइएको छ ।
स्थानीयतह अनुसार जिल्लाको क्षेत्र नं. १ अन्तरगत पर्ने सूर्यगढी, दुप्चेश्वर र तादी गाँउपालिकामा चार–चार वटा योजना रहेका छन भने शिवपुरीमा तीन, ककनी र पञ्चकन्यामा दुई–दुई र लिखु गाँउपालिकामा एउटा योजना छनोट गरिएको छ । एक मात्र योजना परेपनि लिखुमा ठूलो योजना अन्तरगतको ५० लाख रुपैयाँ बजेट छुट्टाइएको छ ।


बिनियोजित गरिएको 'बजेट तथा योजना' सम्बन्धित मन्त्रालय मार्फत स्वीकृत भएपछि कार्यान्वयनको लागी सम्बन्धित स्थानीयतहमा पठाइने र त्यसलाई पारदर्शी र तोकिएको समयमा सफल रुपमा कार्यान्वयन गराउन आफू सहित परामर्श समिति र निर्देशक समितिलाई क्रियाशिल गराउने पूर्वमन्त्री समेत रहनुभएका सांसाद् तामाङले  जानकारी दिनुभएको छ ।

दुई निर्वाचन क्षेत्र रहेको नुवाकोटमा प्रतिनिधिसभा निर्वाचित क्षेत्र नं २ को चार करोड रुपैयाँ बजेट बिनियोजन हुन बाकी छ । क्षेत्र नं. २ को स्थानीय पूर्वाधार विकास साझेदारी कार्यक्रमको बजेट भोलि छुट्टाउने तयारी मिलाएको कार्यक्रमका निर्देशक सच्युतराज उप्रेतीले जानकारी दिनुभएको छ ।
बजेट तर्जुमाको लागी सांसद् नारायणप्रसाद खतिवडाले यसअघि नै सम्बन्धित स्थानीयतहभित्रको सरोकारवाला, सरकारी निकाय, स्थानीयतहले प्रथामिकतामा राखेका योजनाको विवतरण संकलन, स्थानीयतहका प्रमुखहरुसंगको छलफल मार्फत राय एवम् सुझाब संकलन गरिसक्नुभएको छ ।