नुवाकोटमा दुईजनाको शव भेट्टियो

Posted on: November 11, 2018 | views: 6791

२५ कात्तिक, विदुर । नुवाकोटको छुट्टाछुट्टै स्थानमा आज दुई जनाको शव भेट्टिएको छ ।
शिवपुरी गाँउपालिका–७ सुनखानीका सिंहबहादुर तामाङ हराएको दश दिनपछि आज अपरान्ह शिवपुरी–८ थानापती स्थित खोल्सामा मृत्त अबस्थामा भेट्टिएको जिल्ला प्रहरी प्रमुख बसन्तबहादुर कुंवरले जानकारी दिनुभयो । उहाँको अनुसार ७० वर्षका तामाङको मृत्युको कारण ‘रहस्मय’ देखिएकाले शव परीक्षणको लागी काठमाडौतर्फ पठाइएको छ ।


यस्तै, विदुर नगरपालिका–६ चैनपुरका सुमन सुनारको त्रिशूली जलविद्युत केन्द्रमा विद्युत उत्पादनको लागी पानी ल्याएको नहरमा आज मध्यान्ह पौडी खेल्ने क्रममा डुबेर मृत्यु भएको छ । प्रहरीको अनुसार साथीहरुसंग घुम्न गएका २३ वर्षका सुनार विदुर नगरपालिका–९ स्थित नहरको सिलट्याङ्कीमा पौडी खेल्ने क्रममा डुबेर बेपत्ता भएका थिए ।
केन्द्रमा ल्याएको पानी बन्दगरी चार घण्टापछि उनको शव निकालिएको नगर प्रहरी चौकी कोलनीका इञ्चार्ज राजु लामिछानेले जानकारी दिनुभयोे ।