सुन्दारादेवी सन्देश सातौ वर्षमा, पत्रकारलाई जिम्मेबार बन्न काग्रेस नेता केसीको आग्रह

Posted on: November 04, 2018 | views: 3406

१८ कात्तिक, नुवाकोट । नेपाली काँँग्रेसका प्रभावशाली नेता अजुर्ननरसिंह केसीले पत्रकारिता पेशामा इमान्दार र निष्पक्षताको अभाव भएकाले पेशाप्रति जिम्मेवार बन्न पत्रकारहरुलाई आग्रह गर्नुभएको छ ।


नुवाकोटबाट प्रकाशनमा रहेको सुन्दरादेवी सन्देश साप्ताहिकको सातौ बार्षिक उत्सव तथा सुन्दरादेवीन्यूज डटकम अनलाइनको विदुरमा शुभारम्भ गर्दै पूर्व मन्त्री समेत रहनुभएका केसीले पत्रकारिता पेशा जोखिम र समाजसेवाको भावलाई शिरोपर गरेर गर्नुपर्ने भएपनि पछिल्लो समय त्यो नभएको भन्दै पेशामा इमान्दार र समाचारमा सन्तुलित बनाउन सुझाब दिनुभएको छ । उहाँले पत्रकारमा भएको विचार र पूर्वाग्राहीको कारण सत्य सूचनाको सम्प्रेषणको अभाव सिजर्ना हुदै आएपनि स्वतन्त्र पत्रकारिताको विकासको लागी आफ्नो सहयोग भने कायमै रहेको बताउनुभएको छ । 

कार्यक्रममा नेपाली काँग्रेसका जिल्ला सभापति जगदिश्वर नरसिंह केसी, युवा नेता रमेशकुमार महत लगायतका बक्ताहरुले सुन्दरादेवी सन्देश लगायत जिल्लाको सञ्चारमाध्यमको भूमिका सकारात्मक रहदै आएकाले आगामी दिनमा थप जिम्मेवार र प्रभावकारही बनाएर लोकहितको पक्षमा क्रियाशिल हुनुपर्ने सुझाब दिनुभएको छ ।

पत्रिकाको अध्यक्ष शशी अधिकारी र प्रकाशक किरण अधिकारीले नुवाकोट र आसपासको स्थानलाई केन्द्र समाजिक तथा रङ्ग विषयवस्तुलाई केन्द्रबिन्दु बनाएर सञ्चालनमा रहेको पत्रिकालाई क्रमशः प्रदेस नं. ३ को सबै स्थानमा पहुँच जमाउने र पत्रिका मार्फत सञ्चालनमा आएको सुन्दरादेवी न्यूज डटकम मार्फत सबै बिधाका समाचारलाई समावेश गरी प्रकाशन गर्ने बताउनुभएको छ ।