नुवाकोटमा जुवा खेल्ने वडासदस्य सहित १३ जना पक्राउ (प्रहरीको विवरण सहित)

Posted on: October 20, 2018 | views: 4694

असोज, नुवाकोट । नुवाकोटको बट्टार बजारमा जुवा (तास र कौडा) खेलिरहेका तेह्र जना जुवाडेलाई करिब रु चार लाख सहित यही सोमबार राति प्रहरीले पक्राउ गरेको छ ।


पक्राउ पर्नेमा विदुर नगरपालिका–२ बट्टार स्थित २९ वर्षीय श्यामबहादुर तामाङ घरधनी सहित सोही स्थानका ४१ वर्षको दीपक थापामगर, ३४ वर्षीय पवनमान श्रेष्ठ, ४९ वर्षीय हरिकृष्ण अधिकारी, वडा नं. ४ का ३४ वर्षीय सुरज गिरी र ३७ वर्षीय सोफी खान, वडा नं. ५ का रुद्रबहादुर पौडेल रहेको जिल्ला प्रहरी प्रमुख बसन्तबहादुर कुंवरले जानकारी दिनुभयो ।

यसैगरी पक्राउ पर्ने अन्यमा विदुर नगरपालिका वडा नं. ६ का वडासदस्य समेत रहेका ३३ वर्षीय श्यामकृष्ण चालिसे, वडा नं. १२ का ४६ वर्षीय विष्णुबहादुर तामाङ, लिखु गाँउपालिका–४ का ३७ वर्षीय सन्तोष शाह, ४३ वर्षीय राम शाह र रौतहटको परोह नगरपालिका–२ का २३ वर्षीय शेख अफराह रहेका छन् ।


उनीहरुलाई बट्टारबजार स्थित एक घरमा दुई समूहमा जुवाको रुपमा कौडा र तास खेलिरहेको अबस्थामा नगद तीन लाख ७१ हजार ५०० सहित नियन्त्रणमा लिएर जुवा ऐन अनुसार कारबाहीको लागी अनुसन्धान अघि बढाइएको प्रहरीले जनाएको छ ।

यस्तो छ प्रहरीको विवरण ।
 मिति २०७५/६/२९ गते अ.२३:३० बजेको समयमा जिल्ला नुवाकोट बिदुर नगरपालिका वडा नं.६ स्थितमा ऐ.ऐ.बस्ने वर्ष २९ को श्याम बहादुर तामाङ समेतले निजकै आफनै घरमा खालमाबाजी थापी बाजीमा हारजित हुने गरी जुवा कौवडा र तास खेली खेलाई रहेको छ भन्ने ब्यहोराको प्राप्त सुचना अनुसार यस कार्यालयबाट प्र.नि.राजाराम खड्का समेतको कमाण्डमा आवश्यक प्रहरी टोली उक्त स्थानमा खटी गई निम्न स्थान बस्ने निम्न मानिसहरुले खालमा बाजी थापी बाजीमा हारजित हुने गरी जुवा कौवडा र तास खेली रहेको अवस्थामा निजहरुको साथबाट रु,३,७१,८०० ।-तिन लाख एखतर हजार आठ सय रुपैया नगद,कौवडा र तास समेत निम्न अनुसारको दशी तथा मानिसहरुलाई पक्राउ गरी यस कार्यालयमा ल्याई अनुसन्धान कार्य भई रहेको ब्यहोरा सादर जाहेर ।
                                                                 निम्न :-
१.जिल्ला नुवाकोट बिदुर नगरपालिका वडा नं.६ बस्ने वर्ष २९ को श्याम बहादुर तामाङ (घर धनी )
२.जिल्ला रौतहट जिगडिया गा.पा.वडा नं.३ बस्ने वर्ष २३ को शेख अफराम ।
३. जिल्ला नुवाकोट बिदुर नगरपालिका वडा नं.२ बस्ने वर्ष ४१ को दिपक थापा मगर ।
४.जिल्ला नुवाकोट बिदुर नगरपालिका वडा नं.५ बस्ने वर्ष ४१ को रुद्र बहादुर पौडेल ।
५.जिल्ला नुवाकोट बिदुर नगरपालिका वडा नं.२ बस्ने वर्ष ३४ को पवनमान श्रेष्ठ ।
६.जिल्ला नुवाकोट बिदुर नगरपालिका वडा नं.३४ को सुरज गिरी ।
७.जिल्ला नुवाकोट बिदुर नगरपालिका वडा नं.१२ बस्ने वर्ष २८ को दिपक तामाङ ।
८.जिल्ला नुवाकोट बिदुर नगरपालिका वडा नं.३७ को सफि खान ।
९.जिल्ला नुवाकोट लिखु गा.पा.वडा नं.४ बस्ने वर्ष ३७ को सन्तोष शाह ।
१०.जिल्ला नुवाकोट बिदुर नगरपालिका वडा नं.२ बस्ने वर्ष ४९ को हरिकृष्ण अधिकारी ।
११.जिल्ला नुवाकोट बिदुर नगरपालिका वडा नं.६ को बस्ने वर्ष ३३ को श्याममकृष्ण चालिसे ।
१२. जिल्ला नुवाकोट लिखु गा.पा.वडा नं.४ बस्ने वर्ष ४३ को राम शाह ।
१३.जिल्ला नुवाकोट बिदुर नगरपालिका वडा नं.१२ बस्ने वर्ष ४६ को बिष्णु बहादुर तामाङ ।