संबिधान दिवसमा उत्तरगया गाँउपालिकाबाट सरसफाई र वेत्रावती बजारमा दिपावली

Posted on: September 19, 2018 | views: 3553

३ असोज, रसुवा । संबिधान जारी भएको तेश्रो वर्षको अवशरमा आज विभिन्न कार्यक्रम गरी मुलुकभर नै मनाइएको छ  ।

संबिधान दिवस मनाउने क्रममा आज उत्तरगया गाउँपालिकाको आयोजनामा रसुवा र नुवाकोटको संगस्थल पवित्र तिर्थस्थल  उत्तरगया धाम क्षेत्रको सरसफाई तथा रसुवा प्रबेसद्वा र बेत्रावती वजारमा आज साझ मैनवत्ती प्रज्वलित गरि दीपावली गरिएको छ ।

गाँउपालिकाको अध्यक्ष उपेन्द्र लम्साल सहित गाँउपालिका उपाध्यक्ष, प्रमुख प्रसासकीय अधिकृत लोकेन्द्र ज्ञावली तथा गाँउपालिकाको कर्मचारीहरू वेत्रावती बजारका स्थानीयबासी, नागरीक समाज,  नेपाल प्रहरी लगायतको सहभागिता रहेको थियो ।